لقاء كارثي

عشري…..ومين قال اني مضايق ليله انا لو مضايق مضايق عشانك مش عشان الحمل نفسه انا مش عايز اقول كلام يخليكي تفكري اني مش فارق معايا حملك بالعكس فارق و فارق جدا لس لو هحط حملك قصاد حياتك فا في ستين داهيه الحمل مش عايز ياستي عيال بس انتي كويسه وزي الفل و ربنا هيعوضنا امته مش مهم المهم انك معايا كل الي بتقوليه ده عارف انه مش سهل عليكي بس يا ستي شاركيني فيه اقولك كل يوم عيدي وزيدي نفس اللي واجعك مش همل وهفضل اسمعك لحد ما ترتاحي و تبطلي تتكلمي فيه من نفسك وتنسيه بس مش عايز اشوفك كده و اقولك علي خاجه هتخلصي مع نعيمه و تطلعي علي ريهام

بصتلوا باستغراب

عشري…اه روحي شوفي شغلك الهي نفسك في اي حاجه خرجي طاقتك اشغلي نفسك

ليله….هو انت مش زعلان ولا انت اللي بتمثل انك مش زعلان عشري بجد انت مش مضايق

عشري…لا يا ليله مش مضايق لو الحمل ده كمل كنت هبقي اسعد راجل في الدنيا لانه منك بس لما انتي فوقتي و بقيتي في حضني لا فرق معايا عيل و لا اني اكون اب جربت معاكي نوع جديد من القلق خلاني في لحظه و قفت قدام نفسي لو هقارن بينك وبين طفل منك لا مش عايز انا عايزك انتي اللحظه دي علي قد ما كانت صعبه علي قد ما انا جربت خوف من نوع جديد عليكي جربت حب من نوع جديد ليكي فا لو انتي شايله همي انا مش بقولك ده من باب اني اطمنك واريح و امصل عليكي لا يا ليله دي حقيقه لازم تعرفيها كويس اناااا مش عايز اكون اب غير منك و مش عايز اكون اب لو ده هيضرك و مش فارق معايا حد غيرك و لو ربنا كرمني وبقيت اب مش هيفرق معايا غيرك ارتاحتي كده

ابتسمت غصب عنها وبصتلوا

ليله…لا هتتعصب عيا هزعلك

عشري…لا ما انا هتعصب بجد لو فضلتي تفكري بالطريقه دي يا ستي اقولك مش عايز عيال خالص حلو كده

ليله…. بابتسامه بس انا عايزه و يكونوا قمر زيك و عينهم لون عينك

بصلها بغضب بسيط

ليله….لا هتقلب عيا هزعلك انا اللي فيا مكفيني

عشري….انتي زي الفل مفكيش اي حاجه موقف وعدي وخلصنا نحمد ربنا و منفضلش زعلانين انتي مش وحشه انتي مش ام وحشه اقولك هو تقريب كان جاي عينه مش ملونه فا مكملش

ليله….ضحكت غصب عنها انت شايف كده

عشري…. بابتسامه اه شايف كده

ليله….طب علي فكره لو انت شايف كده يبق بده كان تقصير منك

عشري….لا ما انا هركز بعد كده هبص في عينك في لحظه معينه عشان نجيب درجه اللون مظبوط