لقاء كارثي

سليم…..طيب ما نسألوا في الموبايل هنستناه اما يجي

فضل…هو زمانه جاي ده معاده

سليم…هتفضل جعانه يعني

فضل….مالمحاليل دي بتعوض الاكل علي فكره

نعيمه….الممرضه قالتلي كده

سليم…ايوه بس هي حاسه بجوع برضوا

فضل….معلش نستني و نعرف منه احسن كمان عشان نشوف حوار انها تقوم و تتحرك و تمشي او حتي تقعد

نعيمه…..لما يجي بقي نسالوا علي كل ده

نسمه…..هو انا ينفع طيب اقعد شويه انا زهقت من النوم

فضل….اه ينفع طبعا

سليم…..ارفعك شويه

نعيمه….انا بصراحه خوفت ارفعها عشان ايدها وراسها و مرضتش انادي حد من الممرضين خايفه يعملوا حاجه غلط

فضل…غلط ايه ده شغلهم طبعا بس عادي نرفعها احنا شويه

نعيمه….طب ارفعها ازاي انا مش هعرف

نسمه….خلاص مش عايزه

سليم….لا هنعدلك يا قلبي استني

فضل…بقولك ايه انت ارفعها كده براحه و انا هظبط المخده بس هتعرف

سليم…..اه هعرف

فضل….نعيمه طب تعالي معاه معلش

نعيمه….بخوف اعمل ايه طيب مش هعرف اخاف اوجعها يا فضل سيبوها والنبي لحد ما يجي الدكتور

سليم..طب وسعي انتي كده بقي تعالي يا فضل انت معايا

فضل….بهمس نعيمه تعالي معاه عشان اللبس اللي هي لبساه ضهرها هيبقي عريان

نعيمه….قولوا يستني والنبي فضل نسمه كتفها مخلوع و راسها مربوطه يعني تعبانه

فضل…بتنهيده طب اعمل طيب

نعيمه…انا خايفه

فضل….طب بصي متخافيش مش حابين نضايقها معلش نحاول

نعيمه…نحاول ايه يا فضل البت هتتوجع و سليم مش هيعرف لوحده والله

سمعوا الباب بيخبط قرب فضل فتح

فضل…..اهلا صباح الفل

عشري….سبقتنا انت وهو

فضل….نزلنا بدري اه

ليله…. بابتسامه اهلا اهلا بالقمر اللي نور الدنيا وسعي يابت انتي اما اسلم علي نسوم

نعيمه….بقي كده طب يا اختي سلمي

ليله….قلبي والله ماشاء الله بقينا حلوين اهو

نسمه…حبيبتي يا لولي

ليله….عامله ايه انهارده يا قلبي

نسمه…الحمد لله والله انا كويسه

ليله…يارب ديما يا عمري

عشري….نسوم حمد الله علي سلامتك يا حبيبتي

نسمه…الله يسلمك

عشري…..عقبال ما نفرح بخروجك من هنا

نسمه….ربنا يخليك يا عشري

عشري…..الدكتور شافها انهارده

نعيمه…لسه مجاش والله با عشري مستنياه عشان نسالوا علي الاكل لانها جعانه و كمان عايزين نرفعها شويه هي زهقت

عشري….طب ما ترفعوها مش هيحصل حاجه يعني الكسر في دراعها مش رجلها صح