لقاء كارثي

ليله….مرتاحه يا قلبي

نسمه….اه والله تعبتكم

سليم…تعبك راحه يا قلبي ليله معلش رجعيلها المحلول بقي

ليله….اه نسيت هاتي ايدك متخافيش انا هحطه بس في مكانه مش هعمل حاجه

نسمه…سليم

سليم…نعم يا قلبي

نسمه….هو انا شعري اتقص

سليم….يعني اتقص

نسمه…..يعني شالوا شعري

ليله….لا يا قلبي هيشيلوا شعرك ليه
بس

نسمه….عشان الشاش و الحجات اللي علي راسي دي

ليله….لا يا قلبي محدش عمل كده متخافيش ده عشان بس لما وقعتي دماغك اتأثرت مش اكتر

سليم….حبيبي انتي عارفه انك كان عندك ارتجاج بسيط مش الدكتور قالك واحنا بنعمل اشعه

نسمه…ايوه

سليم….طيب هما اكيد عاملين ده عشان الارتجاج ده مش عارف بالظبط السبب بس اكيد ده لسبب ممكن يكون في جرح بسيط مثلا لكن شعرك زي ما هو متقلقيش

ليله….و بعدين ماهو باين من عند رقبتك اهو متخافيش والله

نسمه…..طيب ماشي

ليله….و بعدين لو فرضنا انه اتقص انا بطمنك اتقصلي شعري قبل كده وطلع عادي جدا امي كانت متوصيه بيا علي طول شويه حواجبي وشويه شعري

سليم….بضحك شوفتي و بتضحك ومبسوطه اهو

ليله…الله مش طلعوا خلاص عادي بقي

نسمه….ليله

ليله….ايه يا قلبي

نسمه…..هو انا رجلي كويسه

ليله…. بضحك لا بص شوفلي انت الحوار ده مين فيكم موصلها انها خارجه من الحادثه مسروقه شويه شعرها وشويه رجلها

سليم…. بابتسامه مالها رجلك يا قلبي ماهي زي الفل اهي

ليله…..زغزغها عشان تتأكد

سليم…. بابتسامه اعمل كده

ليله…بت انتي حاسه ان رجلك تعباكي ؟

نسمه…لا بسالكم بس يعني انتوا مش بتكدبوا عليا واقدر امشي صح

ليله….مش انتي سمعتي نعيمه بتقول هتسال الدكتور علي انك تاكلي وتتحركي

نسمه…طيب يعني انا كويسه صح

سليم…انتي لو تقوليلي عايزه ايه هنفهم

نسمه….عايزه لو الدكتور وافق اروح اشوف نادر و ماما وبابا

بصت ليله بهدوء لسيلم اول ما نسمه لفت بصتلها هي و ابتسمت

ليله….كل الليله دي عشان تروحي تسوفيهم شعري اتقص رجلي كويسه ماتقولي عايزه اشوفهم و انا هوديكي بنفسي

سليم…ااا ايوه بس ممكن ميرضاش يعني انها تتحرك كتير هما بعيد عن عنها

ليله….ياسيدي ملكش دعوه بقي انت هو يقول تتمشي و تتحرك و هناخدها تتمشي عندهم و تطمن عليهم تمام يا ست نسوم

نسمه… بابتسامه اه تمام ربنا يخليكي ليا