لقاء كارثي

رشيد…. بابتسامه حلوه دي

ايمي….بضحك عجبتك

رشيد….ثبتيني خلاص

ايمي….بضحك بس والله مش بثبتك دي حقيقه

رشيد…..علي فكره الراجل كمان كده يا ايمي لما الست اللي قلبه يميل ليها تكون ست بجد مبيقدرش يبص لغيرها و انا شوفتك ست كامله قدامي مكانش فيكي غلطه لا خارجيه ولا داخليه حتي لو الراجل شاف ستات حلوه كتير صدقيني لو الست ماليه عينه هيحس ان هي ديما مميزه و فيها حاجه مش في غيرها و انتي كنتي من نوعيه الستات دي خطفتيني من اول لحظه وخطفتيني اكتر لما عرفتك و مقدرتش اشوف غيرك اينعم كان في عيب واحد يا اوزعه

ايمي…..بضحك ضربته علي كتفه احترم نفسك

رشيد….بضحك بس بموت فيكي و بموت في طولك وفي كل حاجه

ايمي…ماله طولي ان شاء الله عاملك مشكله اصلا انا مريحه في كل حاجه في القاعده والنوم و الحركه يعني مش باخد مساحه

رشيد…بحب بس واخده مساحه في قلبي وبعدين انا اكتشفت ان الحجم ده حلو بعد الجواز

ايمي….حجمي انا ازاي

رشيد…بابتسامه ونظره قذره يعني بعرف اسيطر و اتحكم و اقود مفيش فرهده مفيش مجهود مبالغ فيه المجهود عارف طريقه كده يعني

ايمي….بضحك والله انت مترتبش

رشيد…بضحك الله مش بعرفك ميزه الحجم بتاعك صغننه كده و سهل السيطره عليكي

ايمي…..لا حبيب يانا محدش يعرف يسيطر عليا انا اسيطر عليك بحجمي ده

رشيد…. بابتسامه صراحه انا شاهد

ايمي…..بحب ااا رشيد بجد شكرا علي القاعده الحلوه دي و شويه الجنان بتوعك كملت بضحك و نزولي من بيتي بالبچامه و البرستيچ اللي ضاع في الارض

رشيد…بضحك طب بزمتك مش حلو الجنان

ايمي….جدا وبفكر انزل بالبچامه بعد كده ابو البرستيچ علي اللي عايزه

رشيد…..بضحك اهو شوفتي كيفتك انا

ايمي….لا بجد شكرا و ربنا يخليك ليا انا بحبك اوي و مش بحبك عشان عايزه اقول كده لا انا بحد بحبك
انا مودي كان زي الزفت بجد و كنت حاسه اني بتخنق و روحي بتطلع و يمكن مكانش في سبب والله غير الضغوطات اللي حصلت اخر فتره بس انا حسيت فجاه اني مضايقه

رشيد….انا لسه كنت هقولك ممكن اعرف بقي كان فيكي ايه

ايمي….والله زي ما قولتلك مكانش في سبب غير اللي انت تعرفه

رشيد…عشان نعيمه صح ؟

ايمي….انا متعودتش احكم علي رد فعل حد في اي موقف الا اتحطيت فيه بس الموقف اللي نعيمه اتحطت فيه حاول احط نفسي مكانها اكتر من مره عشان اعرف حجم الوجع اللي صاحبتي موجوعه بيه عشان اعرف هي حاسه بايه مقدرتش يا رشيد مجرد الخيال هو بشع انا قريبه من ابويا و امي لدرجه كبيره جايز مش بيبان ده اوي لان احنا طول الوقت بنهزر ونضحك و بنناقر في بعض و بنطلع بعض مسرح بس علاقتي بيهم علاقه خاصه جدا