لقاء كارثي

نادين….نسامحها يعني

عسال….انا بقول كده بدل ما نتضرب احنا الاربعه

نادين …طب خلاص هنسامحك

عسال…..انا بقول تروحي بقي تصالحوا بعض كده و اقعدوا سوا و انا و چوچو هنعمل شويه حجات حلوه كده في المطبخ ماشي يا چوچو

مروچ….ماشي

جاسم…انا كمان هساعدكم عايزين مني ايه

عسال….يلا مع اختك اقعد معاها انت واحشها مش محتاجينك صح يا چوچو

مروح….صح بس انا مش وحشاها

نادين…لا وحشاني والله اوي

عسال…انتي وحشاها جدا بس وحشاني انا اكتر يلا يا قمر شالها و هو بيضحك ايه الكاش القمر ده بس

شيرين……بضحك والله حاسه انها هتقع علي وشها

جاسم….بضحك شكلها فظيع

نادين….بضحك والله قمر بس هموت منها

عسال…احنا هنجيب مشبك او توكه و نربطه و هنتصرف احنا و بطلوا تتريقوا انتوا التلاته محدش ليه دعوه بيها..

خدها ودخل بيها عالمطبخ وهي راحت قعدت معاهم قلبها مكانش بيدق ده كان بيتنطط من الفرحه اللي مش سيعاه كان اقسي طموحها انهم يكونوا معاها في اي مناسبه او تشوفهم لكن انهم يجوا ويسهروا ويباتوا و يروحوا ويجوا قدامها وفي بيتها هي وجوزها كانت حاسه انها بتحلم..

قعدت معاهم اتكلموا وضحكوا نامت في حضن شيرين شويه و تسند علي كتف جاسم شويه خدت جرعه حنان اسريه متتوصفش و ميدو مخلهاش تقوم كان هو اللي بيقدم كل ضيافتهم علي اكمل وجه عشان يسيبها قاعده معاهم اطول وقت ممكن..

كانوا سامعين صوت ضحكة مروچ و ضحكته بقوا يضحكوا عليهم البيت كان ليه طعم وروح و حياه .

…………………..

وقفت نعيمه قدام الشباك ربعت ايدها وسندت راسها علي حرف الشباك بقت تبص للعربيات وهي رايحه و جايه و تفتكر…

فلاش باك…

نعيمه…انا جاهزه ممكن تستعجلوا شويه ليله داخله علينا

نجلاء….انا خلصت و اخوكي بينزل الشنط في المدخل تحت يلا يا عادل

عادل…. جاي اهو

نجلاء… ايه رايك في العبايه الابيض حلو عليا

نعيمه…..زي القمر بتنوري في الضلمه يا نوجا

نجلاء….تعرفي اني عمري ما حبيت الابيض بحس ديما انه بيخلي الوش لونه باهت بحب الالوان او الغامق لكن ابيض كده مش بحبه

نسمه…علي فكره انا اول مره فعلا اللاقيكي لابسه ابيض صريح كده بس والله حلو اوي عليكي لازم تلبسي ابيض بعد كده

نجلاء….هبقي اجرب عجبني بصراحه دي تاني مره البس ابيض في حياتي يعني ممكن البس ابيض في الوان لكن ساده لا