لقاء كارثي

ليله…. بابتسامه في ايه بلطجي مالك كل ده عشان سرحت انا كويسه علي فكره

عشري…طب عيني في عينك كده

ليله….بضحكه جميله مقدرش ضعيفه قدامهم

عشري… بابتسامه طب بلاش انا

ليله…..طب انا عملت ايه طيب

عشري….مش محتاجه تضحكي و تبتسمي عشان تثبتيلي انك بقيتي احسن انا عايزك زي ما انتي تخرجي كل اللي جواكي معايا متقلقيش مش هقول عليكي ست نكديه

ليله…. بابتسامه هاديه بس انا كويسه

عشري…لا يا قلبي مش كويسه ليله انا مش عايزك تفضلي مضايقه يعني لو موضوع الاجهاض بجد مضايقك ده حقك قولي انك مضايقه و ازعلي مش مضطره انك تمثلي انك كويسه عشان مبقاش مضايق عشانك

ليله…قامت وقفت و طفت السيجاره احممم ااا طيب بص انا كويسه و زي الفل و موضوع الاجهاض خلص وراح لحاله و انا مش مضايقه تمام كده

قام وقف وبصلها

عشري….لا مش تمام يا ليله و ردك اصلا عليا الوقت يعرفني انك مش تمام

ليله….عايزني اعمل ايه يا عشري ايه المطلوب مني عشان تتاكد اني كويسه

عشري….مش مطلوب منك اصلا تبقي كويسه يا ليله خدي وقت حتي في الزعل

ليله….يا سيدي انا كويسه مش زعلانه انت عايز تزعلني بالعافيه

عشري….لا عايز اطمن عليكي مش عايز اشوف اي حاجه في الدنيا مأثره عليكي خلاص اللي حصل حصل زعلانه ليه اصلا

ليله….زعلانه ليه ؟ هو انا المفروض افرح

عشري….مش قصدي كده يا ليله

ليله…امال قصدك ايه

عشري…..قصدي انك لو زعلانه خليكي علي طبيعتك زعلانه حقك انتي مش مضطره تداري زعلك عشان اللي حواليكي ميزعلوش عليكي مش مضطره اصلا طول الوقت تعملي اللي يرضي و يطمن غيرك و انتي لا و لو فرضنا زعلتي و بينتي خبي يا ستي علي كله الا انا عشان علي الاقل نتكلم مع بعض اريحك بطريقتي بالكلام مجرد انك تتكلمي اصلا هتبقي احسن لاكن انتي لا بتتكلمي ولا بتظهري زعلك وانا عارف اصلا انك مش بخير

ليله….تمام يا عشري زعلانه و مقهوره و قلبي واجعني و مش قادره اتخطي اني كنت بنضف مكان حته مني ومنك بالمايه قبل ما حد يشوف كأني بعمل حاجه غلط كأني حملت بجهض في الحرام مقهوره ان زعلي علي حته مني خبيته و كأن زعلي فضيحه هتقولي طب مقولتيش ليه هقولك كل حاجه كانت ضدي في اليوم ده مقدرتش اعمل غير اللي جه في دماغي خوفت علي الكل لو كنت قولت مكانش في حاجه هتتغير فا اقول ليه بس زعلانه اه زعلانه واوي كمان
زعلانه يا عشري علي ابني او بنتي اللي نزلوا قدام عيني في الصرف بحاول اتخطي و اكيد مبسوطه ان ده مقصرش علي اني اكون ام بس حاسه اني كنت وحشه اوي مع ابني اللي حملت فيه بس والله ما كان قصدي مكنتش اعرف و كنت مستنيه اعرف ولما عرفت كنت بنزف فيه انا كويسه و خلاص راضيه لس تلزعل ملوش علاقه بالرضا يا عشري مش بمثل بس هفضل زعلانه و حزينه في وشكم طب وبعدين هيحصل ايه انا عايزه انسيك اللي حصل و انسي معاك مش عايزه اضايق