لقاء كارثي

سلامه…لا وحشه دي

ايه…مجايبك

سلامه….وانا مالي الراجل اللي جابهم وبعدين في فراوله ايه يا حوله

ايه….والله انت اللي احول دي توت

سلامه…..طب هاتي التوت حلوه

ايه…..بس دي هتخلي لسانك لونه ازرق

سلامه….ازرق ازاي

ايه….فيها لون يعني

سلامه….عادي ما انتي بوئك بقي احمر اهو و حاطه روچ

ايه….طب امسك انا مالي

فتحتهاله و كلها

سلامه…..مقعدتيش مع نودي لما رجعتوا شويه

ايه…..لا كانت عايزه تاخد شاور و تطلع بقي تشوف بيتها قبل ما ميدو يرجع بليل هو مقفول من وقت اللي حصل واكيد كان محتاج يتنضف من التراب

سلامه….لا مفيش تراب ولا حاجه ميدو لما جه خد لبس كان مقفل كل حاجه

ايه…اقطع دراعي ان ما كنت انت كمان قفلت كل المحابس

سلامه…..بضحك هو انتي صحيح الكام يوم دول من وقت ما رجعتي مخدتيش بالك ان المحبس مقفول

ايه….بضحك لا والله اصلي بشغلها لتنور و بتفضل تزن كده مجاش في بالي خالص ان ده بسبب المايه انا قولت ادام بتشتغل و بتنور يبقي المفروض كويسه

سلامه…هبله

ايه….بضحك والله مافي اهبل منك انت لتزم تبص علي بوئك

فضلت تضحك عليه

قام بص علي بوئه في المرايا

سلامه….يا نهار اسود

ايه…..بضحك ما انا قولتلك

سلامه….قولتيلي ايه ما انتي بوئك معملش كده

ايه…..لا الزرقاء دي بتعمل لون بشع

سلامه…الله يخربيتتتتتك

ايه….بضحك وانا مالي

سلامه….بت هو بيطلع

ايه….بضحك اه بيطلع يومين تلاته وهيخف

سلامه……نعم يا اختي وهيخف يعني مش هيطلع وايه يومين تلاته دي

ايه…. بضحك والله بهزر شويه وتلاقيه راح

سلامه…نهار اسود لو ميدو ولا مصطفي شافوني كده هطلع مسرح سنه قدام

ايه….وريهام

سلامه…..واطيه زيهم بس ميدو ومصطفي اوسخ منها هيطلع بجد

ايه…..بضحك والله هيطلع منظر سنانك مسخره

سلامه…..بت متاكليش القرف ده سيبي من ايدك دي كلها الوان

ايه….دي الوان طعام عادي و بعدين دي بس اللي بتعمل كده

سلامه….كان ماله البطيخ

فضلت ايه تضحك عليه و هو ماسك منديل عمال يضعك في سنانه

………………
عند سلمي و حسان..

كانت قاعده في الاوضه فاتحه اضاءه خفيفه و عماله تكتب حجات خاصه بالشغل و بترتب ورق و حسان كان قاعد بره هو كمان بيكتب حجات خاصه بالمعارض و بيمضي ورق و بيجهز ورق عشان الشباب في المعرض يروحوا يخلصوا و فجاه سمع صوت صريخها كانها اتكهربت اتنطر من مكانه وقام جري علي جوه لقي وشها اصفر و ماسكه قلبها