لقاء كارثي

عسال…..صدقيني انا معملتش اي حاجه غير اني كسرت الحاجز ده و ثربت منكم مسافات السفر و حطيتكم قدام بعض انتي عيشيتي خايفه تقريي و ترفضك و هي عاشت فتكره انها منبوذه منك و من بباها وفاكره انكم خلاص بقي عندكم حياه و هي مش في حساباتكم بس انا كنت عارف هي قد ايه بتحبكم ومتعلقه بيكم رغم اي حاجه ممكن تفكروا فيها و لما كلمتك مش هكدب عليكي كنت واخد نفسه الفكره عنكم انكم خلاص عيشتوا حياتكم بس في حته كده لمستها جواكم و هي ان نادين لسه غلاوتها موجوده و كمان جزء تأنيب الضمير تجاهها ادام لسه صاحي يعني لسه في حب و انا حاولت بس اخلق ظروف تجمعكم مش اكتر

شيرين….وقدرت يا ميدو ورغم اني خوفت من فرق السن بينكم لان ده كان وضعي مع ابوها الا اني اشهدلك انك شخص يتوثق فيه و حبك لبنتي باين في كل تصرفاتك من غير اي مجهود يعني بعيدا عن كل تصرفاتك و مواقفك اللي فاتت يوم زي ده مثلا انت لسه عريس و محتاج تتبسط مع عروستك ملحقتوش يومين بالظبط و حصل اللي حصل و بقالكم اكتر من اسبوع غايبين عن بيتكم فا كان طبيعي اما ترجع تكونوا لوحدكم بس انت دورت علي اللي هيفرح نادين اكتر من اللي يفرحك مع ان ده حقك

عسال…. بابتسامه هاديه انا لو فكرت فيها بالطريقه دي مش هكسب قلب نادين جايز زي ما بتقولي ده كقي عريس جديد بقي و حياه جديده و هي عملت اللي عليه مع صاحبتها خلاص بقي ترجع بيتها و تشوف حياتها وجوزها و تعمل كل واجبتها تجاهه بس انا مش هكون مبسوط صدقيني لو هي بتعمل ده عشان واجب عليها و انا عارف انها هتبقي بتضغط علي نفسها اللي حصل مش بسيط يا شيري و انا لو غريب وسمعت بس من بعيد هزعل لكن انا قريب من الناس اللي راحت دي عاشرتهم شويه عرفتهم بينا عيش وملح فا الطبيعي اني احزن عليهم عاشرت نعيمه اكتر و هي زي اختي فا الطبيعي ان مصيبتها تكون مصيبتي و فوق كل ده زعل نادين علي اللي راحوا و زعلها علي صحبتها اللي زي اختها و زعلها علي اخواتها اللي في الرعايه و زعلها علي ليله اللي اقرب حد ليها فا طبيعي احترم حزنها و الا مش هيبقي عندي دم محدش بيعيش في الدنيا لوحده لازم نفرح مع بعض ولبعض و نحزن مع بعض وعلي بعض و هي لو شافت مني غير ده جايز تعمل كل واجبتها و جايز تشوف انه حقي بس مع الوقت هتفتكرلي اني محترمتش حزنها و اللي بيني وبين نادين اكبر بكتير من اني عريس جديد و فرحتي راحت و كل الكلام ده بالعكس انا فرحتي هي نادين لكن هي اللي ملحقتش تفرح و لو انا حاولت افرحها مش هتقدر عشان هتعمل حساب صحبتها عرفتي ليه انا لازم احترم حزنها و اخليها تاخد وقتها كده كده هعوض فرحتها و هفرحها بطريقتي بس مش وقته لكن انك تجيلها انتي واخواتها تبان تفصيله بسيطه و زياره عائليه هاديه لكن انا واثق انها هتفرق كتير في نفسيه نادين