چاسمين
چاسمين
مسكت الچاكت ربطته و بقي عامل زي الكب رفعت التيشرت الداخلي و قعلته خالص وبدأ فريد يعقملها الجرح اول ما حط المطهر علي جسمها اتنفضت
فريد…معلش في الاول هيحرقك شويه و بعد كده هترتاحي .
هزت بيري راسها و هي بتعيط بهدوء .
نزل شعرها من الجنب علي ظهرها رفع فريد بهدوء وجابه علي الجنب و كمل اللي بيعمله بعد ما طهر الجرح مسك كريم مضاد حيوي و التهابات حطلها منه و بعد كده حطلها شاش طبي وبلاستر وقفل علي الجرح
فريد…تقدري تلبسي تاني يلا والبسي الجاكت عشان متبرديش.
هزت بيري راسها و لبست وهي لسه مدياله ظهرها وبعد ما خلصت عدلت قعدتها وفضلت باصه في الارض في الوقت ده كانت الشوكولاته رجعت تاني اشتغلت حست ان الدنيا بتلف بيها و حاسه بهلوسه مش طبيعيه.
فريد…مدي رجلك كده شويه و ارفعي البنطلون لحد ركبتك عشان لمحت جرح في ركبتك
بيري….حاضر
بدأ فريد يطهر ركبتها مكان ما كانت بتقع و بعد كده بدأ يشوف الجروح اللي في كعب رجلها
بدأت بيري تضحك و تسحب في رجلها و كان باين عليها انها مش طبيعيه.
بصلها فريد باستغراب و ركز معاها
بيري….باهستيريه ضحك اسفه بس انا بغير من رجلي.
فضل فريد باصصلها حرك رقبته شمال ويمين نفس الحركه اللي ديماً ملازماه خصوصاً لما يبدأ يشك في حاجه.
كملت بيري ضحك و بعدين بقت تعيط وتضحك مع بعض تعيط عشان الجرح اللي في رجليها وتضحك من تأثير الهلوسه بتاعت الشوكولاته.
فريد….انتي كويسه ؟!!
بيري….بضحك و هي دموعها نازله انا اه انا كويسه جداً سكتت شويه وبعدين عيطت زي الاطفال بس رجلي بتوجعني اوي
فريد…معلش عشان الجرح لسه جديد انا حطتلك من الكريم ده والوقت تبقي احسن هو مخدر موضعي و كنان مضاد للالتهاب يعني دقايق و هيسكنلك الوجع و هتقدري تنامي.
بيري… اااممم بس هي بتوجعني اوي
فريد…الوقت ترتاحي بص فريد جنبه و هو بيفتح البلاستر و لمح علبة الشوكولاته بص بتركيز علي النوع و بعدين مد ايده مسك العلبه و بصلها و هو قافل عينه بتركيز ايه ده ؟!!
بيري…ايه ده تقصد الشوكلت عايز واحده اتفضل اتفضل هتعجبك اوي ضحكت بيري ورجعت راسها لظهر الكنبه.
فريد…انتي جايبه الشوكلاته دي منين ؟ دي انتي اللي جيباها.
بيري…لا مش انا ده الحقير اللي اسمه خالد بس جربها هتعجبك اوي اصل هو عارف اني بحب الشوكلت فاكر انه لما يجيبلي شوكلت هحبه و اوافق اتجوزه
ضحكت اوي و عيونها دمعت من الضحك و بصت لفريد و قربت منه
بيري…غبي فاكر اني هحبه حتي لو حول العالم كله شوكلت عشاني هي صحيح حلوه بس بردوا ده مش هيغير نظرتي ليه
فريد…امممم قولتيلي بقي ان هو اللي جابهالك
بيري….اامممم هو
فريد…انتي كلتي منها ؟
بيري…اه كلت واحده لما ادهالي و كلت الوقت واحده اصلي جعانه اوي ضحكت مره تانيه صراحه كنت بكدب عليك لما قولتلك اني مش جعانه اصل انا مكلتش حاجه من الصبح و ريحة الاكل خلتني مش قادره بصراحه كلت واحده قولت يمكن تخليني اشبع.
فريد….هو انتي متعلمه ؟
بيري…انا ايه باين عليا اني جاهله لا بقولك ايه انا متخرجة من الجامعه الالمانيه تخصص اداره و تسويق
فريد..اه واضح اوي يعني بتعرفي تقرأي كويس ومعاكي لغه
بيري…اكيد انا بعرف انجليش والماني و كنت كمان خدت كورس فرنساوي لاني بحبه اوي
فريد…اممم واضح واضح
بيري…ايه كنت شاكك فيا فاكرني جاهله.
فريد….لا مكنتش شاكك انا كنت متأكد و واضح اوي ان تعليمك ده مكانش كافي انتي كنتي محتاجه كورس في التركيز و الاهتمام مش كورس في الفرنساوي احب اقولك ان الشوكولاته اللي انتي بتاكليها دي فيها مخدر معموله مخصوص عشان تخليكي طايره كده مكتوب عليها انها فيها نسبة كحول و طبعاً انتي كلتي من غير ما تبصي علي اللي مكتوب وواضح اوي ان اللي اسمه خالد ده كلن قاصد يديهالك عشان تبقي حلوه كده و مطيعه و يقدر يعمل فيكي اللي هو عايزه
بصتله بيري بتركيز
بيري….انت بتقول ايه؟
فريد…اتفضلي يا متعلمه شوفي المكتوب
مسكت منه بيري العلبه قرات اللي فيها وبعيدن سابتها من ايدها وكملت ضحك
بيري…يعني كان عايزني ابقي سكرانه ومش دريانه عشان بعرف يتهجم عليا بس علي فكره انا لما قرب مني مسكتلوش و فوقت
فريد….قومي معايا هعملك فنجان قهوه يمكن يفصل القرف اللي بيجري في دمك ده كلي لحد ما اعملك القهوه.
بيري….انا عايزه انام
فريد…تعالي الاول كلي يلا قومي
مسك علبة الشوكولاته وراح فضاها في الباسكت .
قعدت بيري تاكل كانت جعانه اوي و هو وقف يعملها فنجان قهوه.
بيري… انا اسفه قعدت اكل من غير ما استناك بس الاكل حلو وانا جعانه.
فريد…انا مش جعان الاكل ده ليكي انتي.
بيري…احسن بردوا انا هاكل
فضل فريد باصصلها وهي بتاكل و بيراقب تصرفاتها القهوه خلصت حطها في فنجان و قربه منها خرج فريد بره شال الشنطه و العلاج و نضف المكان وراح علي شنطتها دخل كل حاجه فيها و لمح العلبه بتاعت الخاتم مفتوحه قربه منه وبص فيه
الخاتم باين عليه انه غالي جداً الالماظ اللي فيه الماظ حر قفل العلبه و قربها من الشنطه لكن وقف ثواني وهو بيركز و رجع خرجها وفتحها تاني خرج الخاتم من مكانه وبص عليه بتركيز
راح جاب علبه صغيره فيها مجموعه من المفكات و قطع حديد صغيره و قعد علي التربيزه مسك حاجه صغير شبه الجفت اللي بيستخدموه في الجراحه.
و فضل يخرج حاجه من ضهر الخاتم و كان شكه في محله الخاتم فيه جهاز تعقب صغير جداً.
خرج بسرعه من البيت و راح علي الصف التاني فتح الباسكت اللي في الشارع و رماه فيه ورجع مره تانيه قفل وراه ودخل في اللحظه دي سمع حاجه بتتكسر جري بسرعه علي المطبخ
لمح بيري خلصت اكل و حاطه ايدها علي الترابيزه و نايمه علي ايدها وفنجان القهوه واقع و مغرق الدنيا.
غمض فريد عينه بصدمه بعد الكارثه اللي عملتها في المطبخ.
فريد…ااا يا بيري بيري.
بيري…اممم اسفه والله هو اللي وقع
فريد…ولا يهمك تعالي يلا اطلعي عشان تنامي و انا هنضف المكان
بيري…انا نايمه خلاص
فريد…قومي مش هينفع تنامي هنا يلا قومي معايا
بيري….اممم هي اختك مكانتش بتلبس حاجه في رجلها الارض ساقعه وانا متعودتش امشي حافيه
فريد….تعالي انا هجيبلك يلا قومي
بيري…ااه هقوم حاضر
حاولت بيري تقف كانت بتطوح
فريد….حاااسبي
بيري….انا كويسه تمام تمام اااااه
ساب جسمها بعد جملتها الاخيره وقبل ما تقع مسكها فريد وشالها بين ايده
تأثير الهلوسه اللي في الشوكولاته مع تعبها اللي بدأ يظهر و الم جسمها واليوم الطويل اللي ختم بجري وهروب خلوها فقدت السيطره علي التحمل و مقدرتش تقاوم النوم.
طلعها فريد الاوضه نيمها علي السرير وراح جابلها شراب قعد جنبها لبسهولها براحه وبعدين غطاها و قفل الستاير و سابها ونزل علي تحت يشوف الكارثه اللي عملتها في المطبخ.
نضف المكان من الزجاج ومن القهوه و بعدين شال الاكل و وقف يغسل الاطباق ورجع كل حاجه مكانها قفل النور و راح يأكد علي كل الابواب و قفل ستاير البيت كله و بعدين راح علي الاوضه بتاعته خد حمام وطلع علي السرير و راح في النوم هو كمان.
……………….
في منزل سهر .
بعد ما خلصت حلقتها ورجعت علي البيت اتصلت علي بيري لكن كان مقفول قلقت خاصتاً لما اتصلت اكتر من مره كلمت مريم اختها لمن هي كمان مكانتش بترد فا قررت تتصل علي ملك
بعد جرس طويل فتحت ملك الخط وهي باين علي صوتها انها مقتوله نوم.
ملك…الوو
سهر…ملوكه حبيبتي سوري يا قلبي انتي كنتي نايمه ؟
ملك…اه يا سهوره نايمه
سهر…سوري يا روحي معرفش والله
ملك…ولا يهمك خير في حاجه
سهر… مفيش بس بتصل علي بيري عشان اشوف رجعت ولا لا موبايلها مقفول و كلمت مريم مش بترد فا قلقت عليها قولت اكلمك.
ملك….لا متخافيش هي بخير بس روحت وسابتنا و احنا مشينا وراها سيبنا مريم و مازن و احنا روحنا بس جيت مش شايفه قدامي و نمت
سهر …بقلق روحت لوحدها نن غيركم ازاي حصل حاجه في العيد ميلاد ولا ايه ؟
ملك…لا خالص احنا فجأه عرفنا انها مشيت بس كل حاجه كانت تمام ممكن تكون زهقت او محبتش تطول انتي عارفه بيري مش بتحب الدوشه
سهر…طيب وليه مستنتش لما تمشوا سوا.
ملك…معرفش والله يا سهر انا استغربت اصلاً كلمتها في العربيه مكانتش بترد و مش عارفه بقي ليه مشيت
سهر…غريبه يمكن اللي اسمه خالد ده ضايقها او عمل معاها حاجه
ملك…مش عارفه يا سهر بس هو كان عادي. وبيحاول يكون لذيذ معاها طول الوقت يمكن اضايقت من وجود حمزه
سهر…هو سي زفت ده كمان كان موجود.
ملك ..اه انتي عارفه بقي من يوم ما اشتغل مع خالد وهو عامل زي ظله ومش بيسيبه.
سهر….طل وانتي مالك كده لسانك تقيل ليه انتي شاربه حاجه يابت.
ملك….والله يا سهر تقريباً كده
سهر…نعم يا اختي هو ابه اللي تقريباً من امته وانتي بتتنيلي تشربي.
ملك…اهدي بس انا مش بشرب والله بس شربت عصير كتير وتقريبا كده كان في كحول وانا مخدتش بالي لانه ملهوش طعم بس غالبا كان فيه حاجه راسي تقيله ومش موزونه خالص
سهر….طب والباقي شاربين هما كمان
ملك…غالباً كده لان كلنا مكناش قادرين نفتح عنينا.
سهر…الله يخربيتك انتي وهما اكيد ست بيري هي كمان عامله زيكم عشان كده مش بترد
ملك….ممكن عموما الصبح نكلمها ونطمن عليها
سهر…ماشي يلا روحي كملي نوم
وبكره ليا حساب معاكم
ملك…بابتسامه ماشي يا ست الناظره
سهر….يلا تصبحي علي خير.
ملك…سهر
سهر…هااا
ملك…سوري يا روحي مشوفتش الحلقه بتاعتك بس اوعدك بكره اشوف التسجيل بتاعها واقولك رأيي.
سهر…فوقي بس انتي وابقي شوفيها بعدين يلا روحي نامي
ملك…ماشي يا روحي باي
سهر…باي.
قفلت سهر الخط و هي لسه حاسه بقلق.
سهر….بتسكري انتي وهي ماشي الصباح رباح بكره هطين عيشتكم كلكم.
…………
في صباح يوم جديد وصل بلال كالعاده دخل و قفل وراه البيت كان هادي خالص عرف ان فريد اكيد لسه نايم راح علي المطبخ
حضر الفطار و ظبط كل حاجه
وعمل القهوه وبعد كده راح فتح ستاير الشبابيك كلها مكانش في اي حاجه تلفت انتباه بلال ان في حد فالشقه مع فريد .
طلع بهدوء علي الدور اللي فوق بدأ يفتح ستاير الغرف في الدور التاني دخل الاول علي غرفة والد
فريد فتح الستاره و بص فيها مكانتش محتاجه اي تنظيف او ترتيب لانه ديماً بيعمل كل حاجه فيها وفي اوضه ساره.
خرج بهدوء و دخل اوضه ساره النور كان مقفول مخدش باله ان في حد عالسرير راح علي طول فتح الستاره و لف ظهره اتفاجئ بيها علي السرير كانت نايمه في سابع نومه حرارتها مرتفعه من الجروح والتعب اللي كانت فيه
اول ما بلال لمحها بسرعه طلع المسدس اللي ديماً شايله زي فريد و راح بهدوء عليها و هو مصوبه عليها هزها بهدوء ومش مصدق عبنه ولا عايز دماغه تروح في حته بعيده او يشك ان فريد كان جايب معاه واحده لانه حتي لو ده حصل مستحيل يدخلها اوضه ساره بالنسباله ده اوضتها و اوضه والده مكان محظور فريد مش بيسمح لاي حد يدخلهم غير بلال وعشان بس ينظفهم.
بلال…..انتي انتي
بيري…امممم حاضر يا مريم
مكانش فاهم اي حاجه من كلامها فا هزها تاني
بلال….انتي قومييييي
فتحت بيري عينها فضلت بصاله كانت مستغربه شكله و مستغربه المكان وفي لحظه افتكرت كل اللي حصل بصتله وهي مصدومه وصرخت صوتها صحي فريد من نومه قام جري بسرعه علي الاوضه و ناسي خالص ان بلال هيجي الصبح.
جري علي الاوضه بسرعه الباب كان مفتوح.
بيري….بخوف انت مين وعايز ايه
بلال…انتي اللي مين ودخلتي هنا اواي وفين فرررريد انطقي بدل ما افرغ المسدس كله في راسك
فريد…بلاااال
بلال…فريد انت كويس ؟
فريد.. مسك دماغه و بصله نزل السلاح
بلال….طب انت كويس ؟
فريد…مانا واقف قدامك اهو زي الفل نزل سلاحك بقولك.
بلال…مين دي ودخلت هنا ازاي ؟
فريد…قرب منه ونزل بايده السلاح عشان بيري كانت واقفه عالسرير و لازقه نفسها في الضهر و مرعوبه متقلقش يا بلال انا بخير انزل انت بس وانا هاجي وراك افهمك كل حاجه.
بلال….انزل فين انا مش هسيبك معاها.
فريد…بصوت عالي يعني هتاكلني ما تسمع الكلام يا بلال وانزل قولتلك هفهمك
بصله بلال وبعدين بص لبيري بغضب.
بلال….انا تحت وانتي اوعي تفكري تعملي حاجه انتي عارفه هعمل فيكي ايه.
فريد…مسكه من كتفه و خرحه ياجدع قولتلك انزل بقي .
نزل بلال قرب تاني فريد منها
فريد….انتي كويسه ؟
بيري….وقف قلبي مين ده ؟
فريد…متقلقيش ده صاحبي
بيري….وازاي دخل هنا
فريد….بلال صاحبي ومعاه المفتاح انا نسيت خالص انه جاي هو متعود يعدي عليا كل يوم و يصحيني عموما متخافيش انا هنزل اشوفه وانتي يلا اصحي كده عشان تفطري تمام.
بيري…حاضر.
نزل فريد و قعد مع بلال حكاله كل حاجه .
بلال… طيب ومين الراجل ده ؟
فريد…معرفهوش يا بلال بس شكله عيل ابن واحد معروف سيبك منه
بلال….طيب وهتسيبه عادي اصل بيتهيألي ممكن الراجل ده يحطك في دماغه.
فريد…هسيبه يا بلال عشان هو مجاش جنبي هو ملهوش شغل معايا كل اللي عايزه يلاقي البنت و اكيد يعني لو حاول يتعرضلي انت عارف اني مهسيبه عموما انا فهمتك كل حاجه مش عايز مخلوق يعرف ان البنت هنا و لا حتي ياسر انت عارف انه موسوس و هيقلق من وجودها وانا مش عايز اي حاجه تشتت انتباه ياسر عايزه يفضل مركز في الشغل بتاعه ماشي.
بلال….بعدم اقتناع طيب.
فريد…هو ايه اللي طيب شكل الكلام مش علي مزاجك
بلال…مش كده بس قلقان عليك
فريد…قولتلك متقلقش البنت علي نيتها وواضح ان اهلها مش مهتمين باي حاجه غير مصلحتهم يعني مفيش منها قلق سيب الموضوع ده عليا المهم مش عايزك تبجي جنبها البنت كانت هتموت من الرعب بسببك
بلال….اعمل ايه وانا ايش عرفني اني في حد هنا لما شوفتها نايمه محستش بنفسي غير وانا بطلع المسدس
فريد…حصل خير اديك عرفت
يلا انا هطلع اغير و اشوفها
بلال….طيب بسرعه عشان الفطار ميبردش.
فريد…لا مش هفطر خلي الفطار ده ليها هي.
بلال…ياسلام وانت تخرج من غير فطار عشان الاموره تفطر
فريد…يا ابني هي مرات ابوك هفطر هفطر بس بره مش هنا خليها هي تاكل وانا هفطر ارتاح بقي و اقفل بوئك عالصبح صدعتني
بلال….بغضب ماشي هسكت اما اشوف اخرتها
بصله فريد بطرف عينه وسابه وطلع غير هدومه بسرعه و راح عليها في الاوضه خبط وبعد كده فتح لاقها رجعت نامت تاني.
فريد…اااا بيري يااا بيري
بيري… بخوف قامت بسرعه وبصتله.
فريد…اهدي ده انا متخافيش
بيري…هو فين ؟
فريد…متقلقيش هو تحت انتي ايه اللي خلاكي تنامي تاني
بيري… معلش انا مصدعه اوي و الدنيا بتلف بيا
بص فريد بتركيز علي وشها كانت عرقانه قرب كفه بهدوء منها.
رجعت لوراء وهي بتبصله فا حط ايده علي جبهتها.
فريد…انتي حرارتك عليا لازم تفطري وتاخدي العلاج انا هسيبلك كام حاجه تحت تاخديهم بعد ما تاكلي لازم تاخدي حاجه تنزل حرارتك دي قومي اغسلي وشك يلا عشان تفوقي و اسمعيني كويس قبل ما امشي هقفل الستاير كلها تاني و تقفلي كويس علي نفسك من جوه و اي حد يخبط متفتحيش
انا برجع علي الساعه عشره او ممكن بعد عشره يعني خلال الكام ساعه دول انا مش هرجع فا اي حد يخبط متفتحيش ولا تعملي اي صوت لا تخرجي في الجنينه ولا عايز المحك بره مفهوم.
بيري…بخوف انت هتمشي فين ؟
فريد…هكون همشي فين هروح شغلي طبعاً
بيري….طب وانا هتسيبني
بصلها فريد باستفهام
بيري…اقصدي يعني انا هخاف افضل لوحدي.
فريد…تخافي من ايه المكان هنا امان اقفلي عليكي و متخرجيش اي صوت و انا هخلص شغلي وارجع المهم التزمي باللي قولته
بيري….طيب اااا
