لقاء كـ،ـ،ـارثي
مصطفي…..بضحك بس دي مش وقاحه هي صراحه علي كلمه حق انا بتكلم في العموم
ليله…..بص انا صريحه و ديماً بحاول ان صراحتي دي متتخطتش الحدود بس انا معترفه ان اوقات كتير صراحتي ممكن تقلب بوقاحه بصراحه لان في ناس بتضطرك لكده
كنت ديماً اسمع من امي الله يرحمها ان الحق صوته عالي و دي حقيقه بس للاسف مؤخراً اكتشفت ان مش بس الحق اللي صوته عالي ده البجح كمان في ناس بجحه و عارفين انهم بجحين و مع ذلك بيتكلموا بعين قويه و دول مينفعش معاهم غير الوقاحه
عشري….بضحك قصدك ايه ببجح دي
ضحكوا الشباب و البنات و افتكروا ليله و هي بتقولوا يا بجح
ليله….بضحك لا انت حبيبي ملكش دعوه بالكلام ده
مصطفي…..طيب نروح للقمر ده بقي و نسألوا
تقي…..بابتسامه جميله اتفضل
عشري…..بضحك خد بالك دي نسخه ليله بس علي صغير يعني اسال سؤال حنين عشان ممكن تتحول هي كمان
مصطفي….لا يا راجل ليله الصغيره ايه دي كيوت
ليله….بضحك يومك اسود انت كنان قصدك ايه
مصطفي…..خدي قلبي مش عايزه مقصدش ذله لسان بص لتقي و همس بصوت مسموع اكيد بيفتروا عليكي صح
تقي…..بضحك اكيد انا طيبه خالص
نعيمه….طب ارزعها سؤال بقي و انت تشوف الطيبه علي حق
بصلها عدي و ابتسم
تقي……لا اسال متخافش انا كيوت
مصطفي…..لا عارف مهما يشوهوا صورتك مش هصدق قوليلي بقي موقف صعب اتحطيتي فيه اوي و مش قادره تنسيه لحد الوقت
بصت تقي بطرف عينها علي عدي و ابتسمت و افتكرت الموقف بتاع عم حسين
عدي…..بهمس مسموع و هو باصص لسليم عشان ميلفتش النظر عددي دم يا عدي
ابتسمت تقي وحاولت متضحكش
تقي….اااا طيب ممكن تغير السؤال
نعيمه….لا معلش عايزين نعرف
تقي….بت انتي رخمه كده ليه مالك ومالي
مصطفي….سيبك منهم نغير السؤال يا سلام
فضل…..وحياة امك اشمعني
عشري…..بضحك ولااااا انت بذمتين ياض
تقي….بضحك طب خلاص عقاب
مصطفي…..قلبي مش هيطاوعني
ليله…..ممنوع المعاكسه يا مصطفي
مصطفي…..بضحك حاضر يا استاذه ليله ااااا طب اعاقبها بايه دي
تقي…..اي حاجه بس بلاش مايه والله ما قادره
مصطفي……ومين الحمار ده اللي يقولك انزلي المايه
كلهم كانوا ميتين من الضحك
عشري…..بضحك تصدق ياض ان انت لازم تتحدف
مصطفي….بضحك خلاص خلاص ااااا طيب بصي تعرفي تقلدي اي حد من الموجودين
تقي….اااا لا انا مش بعرف اقلد خالص
ايه…..خليها تعمل ليب استيك علي اغنيه دي مصيبه بجد هتفطسوا من الضحك
برقتلها تقي و هي بتضحك
مصطفي…..ازاي يعني تعمل تيك توك
ايه…..شوفت التيك توك كده زيه بس هي مش هتعمل ڤديو هتختار اغنيه تعمل عليها بس قدامنا كده
مصطفي…..ماشي موافق
ليله……دي مجرمه اه اعملي علي الاغنيه اللي بتعملي عليها ديماً
تقي….بضحك انتوا بتهرجوا صح لا غيروا العقاب
محمود….بضحك لا معلش بقي و لو رضيت هقوم انا احدفك في المايه
مصطفي….يرضيكي اتحدف
تقي…..بابتسامه طيب خلاص هعمل و انتي يا سوسه هتقومي معايا عشان انتي اللي قولتي العقاب
ايه….بضحك انا مالي ده عقابك
تقي…..ماشي بس هتساعديني هحتاجك اصلا و مش عايزه حد يضحك عشان متفصلونيش
ليله…..بضحكه جميله محدش هيفصلك اعتبري نفسك لوحدك
ايه….عمو مصطفي ممكن اساعدها
مصطفي….بضحك عمو الله يباركلك يا بنتي قومي
ايه…..عايزه اغنيه ايه
تقي…..اممم تعالي طيب هقولك
خرجت تقي هي و ايه من الدايره اللي قاعدين جواها و قعدوا يتوشوشوا شويه جريت تقي بسرعه علي جوه
ليله….هي راحت فين المجنونه دي
ايه…..جايه جايه بتجيب حجات لزوم العرض اللي هنعملوا اتقلي بس
ايمي….حد يصورهم والنبي
ايه….بقول ايه محدش يضحكني
سلمي….اعتبري نفسك بتعملي تيك توك مع نفسك
استنوا دقيقه و نزلت تقي جري راحت علي ايه عدي عينه كانت عليها و مبتسم بهدوء و عمال يراقب هتعمل ايه.
مسكت تقي شعرها لفتوا كحكه لفوق و لبست نضاره شمس و ادت ايه نضاره هي كمان
جريت ايه ادت الموبايل لسلامه
ايه…..سلامه امسك ابقي شغل دي
تقي…..من بعيد باحراج محدش يضحك لو ضحكت والله هقعد
ليله….لا مش هنضحك يلا ركزي
سلامه….ابدأ
ايه…..اه يلا
شغل سلامه اغنيه (جاي في حكايه)
و بمجرد ما بدأت الموسيقي و بدأت كلمات الاغنيه تقي بدأت تمثل الاغنيه بطريقه تجنن و مضحكه رغم انها كانت مكسوفه بس كانت جريئه بردوا ثواني و بدأت تتفاعل اكتر خصوصاً لما ايه دخلت معاها في تمثيل الاغنيه الكل كان بيضحك و عدي عمال يضحك بهدوء و عينه فيها لمعه تجنن واعجاب مش طبيعي.
كانوا بيمثلوا الاغنيه و بيعملوا كل حركه مع كل كلمه و كانوا يجننوا
خلصوا و فضلت تقي تضحك بكسوف مش عارفه قدرت تعمل ده ازاي عينها جات علي عدي ابتسمت و بعدتها بسرعه.
سلامه كمان كان مبسوط بالمجنونه بتاعته .
ايمي….براڤووووو مصايب الاتنين دول
رشيد….علي فكره فيها من ليله نفس شقاوتها و جنانها
ليله….انا قمر كده
تقي…..بحب انتي احلي
دخلوا قعدوا مبصتش تقي خالص علي عدي.
مصطفي…..هو ينفع اعاقبك بدل كل واحد
تقي…..بضحك ايه عجبك العقاب
مصطفي….بضحك اه والله
عسال….طب معلش بقي انا عندي سؤال لتقي و لليله
تقي…..بأبتسامه اتفضل
عسال….هتجاوبي بصراحه
تقي….اكيد
عسال……انتي مرتبطه
تقي….بإبتسامه لا والله
عشري…..بضحك عسال متغاظ من ليله هيطلعوا علي تقي
ليله….سيبوا براحتوا ليه يوم
عسال….بضحك طب سؤالي لليله انتي عمتها و انتي الكبيره يعني اكيد بتحبيها بتخافي عليها سؤالي بقي لو عرفتي ان تقي مرتبطه او لو مثلا شوفتيها مع شاب رد فعلك هيكون ايه هتروحي و تواجهيها هتتعصبي هتبقي عادي و لا هتعملي نفسك مشوفتيهاش و تمشي وتكلميها بعدين
ليله…..هروحلها بس مش عشان اواجهها عشان اسلم عليها عادي و علي اللي معاها و مش بعيد اقعد معاهم شويه اكيد طبعاً لا هحرجها ولا هحطها في موقف بايخ هي بنت واكيد هتحب و خد بالك انا وتقي صحاب جداً و انا واثقه فيها لان تقي جدعه و عارفه حدودها كويس و حتي لو هي عندها علاقه و مقالتش ليا مش هزعل بس لو شوفتها مع حد و حسيت انه مش مناسب اكيد هنصحها و هتكلم معاها
عسال….ولو مش مقتنعه او مش شايفه انه وحش و مش مناسب
ليله….مش هجبرها لان الاجبار يخلق عند بس هفضل وراها من بعيد و هحاول بكل الطرق اكشف الشخص ده قدامها عشان هي تشوف و تصدق بس انا واثقه اني لو قولت لتقي ان الشخص ده مش مناسب هتقتنع لانها عارفي اني مش هضرها و طول ما انت وهي صحاب هتاخد بكلامي و هتكون صريحه معايا و ده اللي كنت اقصده بعلاقتكم بريهام لو انتوا صحاب و في بينكم ثقه وكلام هتاخد بنصيحتكم و مع الوقت هي بنفسها اللي هتيجي تاخد رايكم
عسال….بابتسامه ماشي يا يا ليله
فضل……عسال شايل و معبي
عسال….بضحك لا والله سؤال مش اكتر.
مصطفي….طيب نكمل وبلاش رغي بقي سليم انت مرتبط يعني في حد في حياتك و سواء في او مفيش مبن اول شخص ممكن تقولوا عن مشاعرك
سليم….اااا بص ارتباط اللي هو حب وكده و علاقه جاده لا اكيد اتعرفت علي بنات و كنت واخد الموضوع جد والله بس ولا واحده فيهم كانت مناسبه و محصلش نصيب فا انا حالياً مش مرتبط بالنسبه لمين اول حد ممكن احكيلوا عدي اكيد لانه اقرب واحد ليا من اخواتي طبعا كلهم قريبين بس عدي الاقرب لان احنا مش بنتفرق خالص و سننا اقرب لبعض كده يعني و بردوا محمود اخويا
مصطفي…..تمام
ايمي….طيب سؤال يا سليم انت حابب تتجوز بدري و لا شايف ان ده قرار لسه بدري عليه
سليم…لا انا مش حاطت توقيت في دماغي انا سايب كل حاجه للنصيب يعني بمجرد ما اتاكد من مشاعري تجاه البنت و اخد خطوه جاد اكيد هتجوز
ايمي….تمام
مصطفي…..نسمه
نسمه….بضحك اخويا قاعد اختار اساله حلوه
ضحكوا كلهم علي نسمه
مصطفي….بس كده عيوني في حد في حياتك
سلمي…..ده انت لو قاصد تسلمها مش هتعمل كده
نادر….بضحك يلا قولي
ليله….يومك اسود انت كمان شكلك
نادر…..بضحك طب هي لسه بتدرس و صغيره
ليله….خليك في حالك بردوا في اخر سنه يا اخويا
نسمه….بضحك طيب هجاوب ااا لا مفيش
مصطفي…..بضحك يبقي في و هايفه خلاص فهمنا
نسمه….بضحك استني بس لا والله بجد مفيش و اكيد مش خايفه من نادر انا وهو اه بنتخانق كتير و ديما نناقر في بعض بس والله بجد نادر من الناس اللي مش رخمه و انا بحترمه اكيد بس مش بخاف منه و واثقه ان نادر لو عرف حاجه زي دي عمره ما هيعترض هو ممكن يبقي غيران شويه و ده طبيعي بس انه يكون رخم واخبي عليه وكده لا بصراحه
نادر…..ايه يا ليله انفع
ليله….بضحك جدع يا نادر
فضل…..طيب سؤال لنادر بصراحه بقي بتغير علي نعيمه مني
نادر…..بصراحه ممكن في الاول خالص يعني لما عرفت من نعيمه موضوع السفريه و حبستكم مع بعض و بعدين بدأت احس انها مركزه في الكلام عليك اه كنت غيران و يمكن هي حست بس مكنتش مضايق يعني بس الوقت لا خالص والله بعتبرك اخويا و بتمنالكم كل خير
فضل…..حبيبي
نعيمه…..قلبي انت.
ليله…..بابتسامه حلو السؤال ده طب حودا انت بتغير علي امنيه و ايمي
محمود….بابتسامه تجنن صراحه لا والله لاني بحب اشوفهم مبسوطين و بعدين الحمد لله ربنا كرمهم برجاله بجد بعتبرهم اخواتي و اصحابي يمكن عمرو كان اقرب ليا لان امنيه متربطه من قبل ايمي بكتير و عارف عمرو واحنا صحاب اوي بس رشيد من اول ماعرفتوا و انا بحبه جدا وبعتبره اخويا الكبير و ببقي مبسوط اوي لما هو و عمرو بيكونوا عندنا لما بنتقابل لا بحبهم مبحسش خالص بالغيره دي
رشيد….حبيب يا حودا عايز اقولكم ان اميره اختي اول ما ارتبطت بكريم جوزها و اتجوزوا انا مكنتش بطيقه و ده بجد كنت بحس اني بكرهوا اوي و تقيل علي قلبي و لما اشوفوا قريب منها يركبني ميت عفريت بس بعد كده لا خالص بقي حبيبي وصاحبي واخويا و جدع جدا و لما حسيت ان اميره مبسوطه معاه اتغيرت من نفسي اينعم فضلت غيران شويه لما اشوفه ماسك ايدها حاطت ايده هلي كتفها بس مع الوقت بقيت اتفق انا وهو علي اميره كمان.
سلمي…..دي مشكله كبيره حكايه ان الاخ يغير علي اخواته او ان الراجل يغير علي البنت من اخوها
رشيد….طبعاً بس هو بيبقي مجرد شعور نابع من الحب و بعد فتره بيتغير
ليله…..طيب و انت يا تيمو بتغير علي اخواتك من حسان و سلامه
بصلوا سلامه و حسان و ابتسموا
تامر….بابتسامه هاديه اااا يعني زي ما قال رشيد الغيره نابعه من الحب بس ده ميمنعش اني بحب سلامه و حسان زي ما قولت و بعتبرهم اخواتي و اصحابي و غيرتي علي سلمي و ايه اكيد غيره بسيطه طبعاً و بتبقي جوايا مش ظاهره في افعالي انا اعرف شباب بتغير لو اخواتهم اتكلموا كتير في الكوبايل لو خرجوا لو خرجوا مع اللي مرتبطين بيه حتي انا مش كده
حسان….حبيبي يا تيمو واحنا بنحبك اوي
سلامه….حبيبي يا اخويا
مصطفي…….طيب عدي اخر واحد معانا و بعد كده اللي حابب يسأل اي حد يسأل عدي
عدي….بضحكه جميله خير
مصطفي…..اخر مكالمه في موبايلك كانت لمين.
بصلوا عدي بصدمه و ضحك اخر مكالمه كان عاملها كانت لتقي الصبح و من وقتها متصلش علي اي حد
عدي…..بضحك هات العقاب
فضل…..بضحك متصل بمين انت
عدي…..بضحك ياعم خليك في حالك
رشيد….ايه الموزه بتاعتك اعترف
عدي…..بضحك انت حبيبي بلاش انت
ايمي….قول قول متخافش مش هنفضحك
عدي…..ياعم مصطفي هات العقاب
ابتسمت تقي بهدوء بس كانت حاسه بغيره بسيطه مكانتش تعرف ان هي اخر اتصال من الصبح.
مصطفي…..طيب العقاب طلع سيجاره يا عسل و اشربها قدام اخوك
ضحكوا كلهم من قلبهم علي مصطفي و علي صدمه عدي
عسال…..انت رخم ياض والله
فضل…..ارجع للسؤال بكرامتك
عدي…..بضحك لا مش هرجع للسؤال غير العقاب كمان
عشري….بضحك كنت متصل بمين ياض
عدي…..بضحك ياعم سيبني بقي
عشري….طب وحياة امك لو شربت سجاير هنفخك
ليله…..بضحك والله انتوا رخمين انا لو مكانك اشرب سيجاره
مصطفي…..يلا هترجع للسؤال و لا تخسر العقاب و حد منهم يعاقبك
عدي…..بضحك المشكله ان لو اختارت حد مش هيرحموني
ليله….اختار حد بعيد عن الاشرار دول يا عدي متختارش شاب
عدي…..اااا احم طيب انا اكيد مش هجاوب و اكيد مش هشرب سجاير قدام عشري فا هختار ان حد يعاقبني
مصطفي…..اشطا هتختار مين
عدي…..ااااا حط ايده علي وشه و هو بيضحك
نعيمه….اختارتي انا
عدي…..وانتي جنب فضل مستحيل اكيد قالك تعاقبيني بايه
نعيمه….بضحك والله ما قال
عدي…..لا مش هختارك انا عايز حد طيب كده و مش شرير
عسال….بضحك اختار ليله
عدي…..بضحك بعد اللي عملتوا فيكم بلاش
ليله….بضحك طب علي فكره بقي مكنتش هرخم عليك
عدي…..بضحك ماشي خلاص هختار ليله تقول عقاب
مصطفي…..اسمعي لو اختارتي عقاب سهل هيتلغي
ليله…..بضحك طيب سؤال لو اختارت عقاب و معجبهوش او مقدرش عليه هيحصل ايه
مصطفي….هيرجع تاني مضطر انه يختار العقاب الاول او يجاوب علي السؤال فا خليكي جدعه و هاتي عقاب حلو
عدي…..بضحك خد بالك انا اللي هحدفك في المايه
عشري….بهمس عقاب صعب يا ليله
ليله….بضحك اخوك الشراني بيقولي عقاب صعب
عدي….بضحكة غيظ والله اشرب سيجاره قدامك
عشري…بضحك اشرب انت بتهددني
ليله….امممم ماشي طيب ادوني ثواني وراجعه
عشري….راحه فين
ليله….راجعه
ايمي….بضحك والله كنت شربت السجاره ليله مش هترحمك
عدي…..بضحك ربنا يستر
دخلت ليله ثواني و رجعت ايدها وراء ضهرها و هي بصاله و بتضحك
عدي…..خير يا غاليه
ضحكت ليله و مدت ايدها كان معاها كوبايه فاضيه و بيضه لسه مش مستويه
ليله…..اشرب دي
اوووووووووووووو الكل ضحك و اتصدم و اللي قرف
بصلها عدي بابتسامه صدمه و مسح علي وشه
سليم…..بضحك طب اقولك علي حاجه عدي لا بياكل بيض ني ولا مستوي بيقرف منه
ليله….والله ده عقابي
عدي…..بضحك طب ليه كده
ليله….بصحك استني هو انت عندك حساسيه منه يعني بيتعبم ولا بس مش بتحبه لو بيتعبك هغير طبعاً
عدي….لا مش بحبه بس
ليله….يبقي بالف هنا
عشري…..بضحك اشرب يا اخويا اشرب خلي صاحبه الرقم تنفعك
عدي…..بضحك انا مش مسامحكم
مسك الكوبايه بنظره قرف فظيعه كسر البيضه جواها و بص للكوبايه و هو هيرجع و مش قادر من الريحه
محمود…..فكر الاول
عمرو…..والله انا لو مكانك ما اعملها
ايه….طب حط عليها ملح او فلفل ااااااه هموت هرجع والله
رشيد….بطلوا تقرفوا هو اصلا هيرجع من غير حاجه
عشري….بضحك احسن يلا يا ابو الرجوله
سليم…..بضحك حرام عليك هيتعب والله
ليله….بضحك لا لا الغوا العقاب ده حرام هيتعب اه و عرق و حالته بقت بالبلاء انا مسمحاه
ضحك عدي و هو مش قادر بجد يشرب
مصطفي….احنا قولنا مفيش حد يسامح و لو مصممه هتتعاقبي بداله و انا اللي هختار عقابك
ليله….ياعم موافقه سيب يا عدي
عدي….لا لا هشرب خلاص
ليله….والله ابداً
نسمه….طيب لو هتعاقب ليله هتعاقبها بايه
مصطفي….لا مش هقول غير لما يتفقوا عيزاني اقول يروحوا رافضين
