تعاهدنا
تعاهدنا
لسه صاحيه من شويه مفيش حاجه
عهد….طيب طيب خلاص متعصبيش نفسك
انا مقصدش والله.
سهام….تمام خدي الفطار حطيه علي السفره.
عهد….حاضر وبدا عهد تحط الاكل في صمت
أعدت هي ووالدتها كانت سهام ساكته تماما
عهد…مامي مش عايزه اضايقك وبلاش
تتعصبي بس ليه حضرتك ساكته
سهام….قولتلك مفيش يا عهد المهم رجعتي امته بليل
عهد….مانا صحيتك لما جيت عشان ادهم كان
عايزك بس حضرتك قولتيلي اقوله انك نايمه
وبعدين تبقي تكلميه
سهام….تمام.
عهد….هو حضرتك كنتي بتكلمي ادهم في الموبايل
سهام ….بعصبيه هو في ايه مبقاش فيه غير ادهم ادهم
عهد ….بدموع في ايه يا مامي انا مش متعوده منك علي
الطريقه دي هو انا زعلت حضرتك في حاجه.
سهام…..هتردي امته يا عهد علي عاصم.
عهد…مسحت دموعها ما حضرتك يا مامي عارفه رأيي
في الموضوع ده
سهام….لا يا عهد انا عارفه ان حسن قالك هيديكي
مُهله يومين تفكري و تديه رد.
عهد…..وانا مش محتاجه أفكر يا مامي عشان انتي
عارفه رأيي كويس.
سهام…ورأيك ده مش عاجبني يا عهد ولازم يتغير
عهد….بصدمه يعني ايه يا مامي.
سهام….يعني انا كلمت عاصم و اديته كلمه و هيجي انهارده
يطلب ايدك رسمي و كلمت حسن عرفته اني عيزاه
و كلمت ادهم اخوكي عشان يجي هو كمان يقف
معاكي في يوم زي ده عرفته اني عيزاه علي المغرب
يكون عاصم واهله جم.
وقفت عهد وعلامات الصدمه علي وشها والدموع
متجمعه في عينها..
عهد…حضرتك ازاي تعملي كده من غير ما تعرفيني
ازاي تاخدي قرار في حاجه تخص حياتي وكملت
بصوت عالي مين سمحلك تعملي كده
ض*ر*بت سهام بكل قوتها علي السفره بغضب.
سهام…عــــهد انتي ازاي تتكلمي معايا كده انتي
نسيتي اني امك ولا ايه
عهد…بدموع انا اسفه يا مامي مقصدش بس كمان
حضرتك بتمنعيني من حقي في الرفض ازاي اقبل
اتجوز بني ادم معرفهوش ازاي اشارك حياتي
مع واحد غريب عني
سهام…انا عارفه مصلحتك اكتر منك
عهد…لا يا مامي لو حضرتك بتتصرفي بالشكل ده
يبقي متعرفيش حاجه عن مصلحتي وطريقتك دي
هتدمر حياتي كلها.
سهام….بحزن حاولت تخفيه انا قولت اللي عندي يا عهد
تجهزي الضيوف هيكونوا هنا علي الساعه سبعه
عهد…بدموع انا مش هقدر اقابل حد يا مامي انا اسفه
سهام….ها تعصيني ياعهد ؟
عهد….لا يا مامي مقدرش متقوليش كده بس كمان
حضرتك مش هتكوني مبسوطه وانا تعيسه في حياتي
