تعاهدنا

سهام….لحد امته هتفضلي ترفضي اي حد يتقدملك انتي

في حد في حياتك يا عهد.

عهد…بارتباك انا انا .

سهام…..شوفي يا عهد انا خلصت كلامي الناس هتيجي

و هتقعدي معاهم و هتوافقي يا اما لا انتي بنتي ولا اعرفك

وقلبي وربي هيغضبوا عليكي ليوم الدين.

قعدت عهد عالكرسي بانهيار وقامت سهام عشان

تطلع اوضتها…لكن وقفتها جمله عهد.

عهد…بانهيار ودموع تقطع القلب…بس انا بحب حد تاني

يا مامي …انا بحب ادهم.💔

غمضت سهام عينها بوجع

عهد….وهو كمان بيحبني وكان عايز يقابلك امبارح

عشان يطلب ايدي منك.

بصتلها سهام….ادهم اخوكي صح يا عهد اللي فضلتي

انتي وهو تستغفلوني عمر بحاله سنين كتير عدت

وانا مدياكم الامان بتتعاملوا قدامي علي انكم اخوات

وبينكم وبين بعض عايشين قصه حب كبيره.

مستغلين ثقتي اللي إيدتهالكم من غير حساب

سبتك تخرجي وتروحي معاه في كل مكان من

غير ما اشك فيكم ما صعبتش عليكي في يوم

ولا حتي ضميرك وجعك وقالك ازاي تخوني ثقت

أمك فيكي حتي ادهم اللي استأمنته عليكي خان ثقتي

عهد…يمكن معاكي حق بس والله يا مامي ورحمه بابي

ما عملنا اي حاجه غلط احنا حبينا بعض بس طيب

اسمعيه شوفيه كلامه و اعرفي منه ليه مقولناش

وبعدين يا مامي ده ادهم ادهم اللي اعتبرتيه ابنك

ادهم اللي قسمتي قلبك بيني وبينه نسيتي يا مامي

سهام….منستش يا عهد بس انتوا اللي نسيتوا

و خونتوا القلب اللي حبكم و اتقسم بينكم من اللحظه

دي تنسي ادهم ويفضل مجرد اخ مش اكتر ولو اخترتيه

يا عهد يبقي قلبي غضبان عليكي ليوم الدين.

انهارت عهد من العياط…وسابتها سهام وطلعت

اوضتها وهي قلبها بينزف من الوجع اتمنت ان لحظه الاعتراف دي
تحصل من غير تهديد ساره مكانتش حتي لامتهم علي حبهم
لبعض.
………………….

في ڤيلا أدهم..
دخل ادهم المكتب مع والده وادم و اتكلم معاهم و عرفهم
بحبه لعهد الكل كان فرحان ومبسوط جدا
حسن….اخيرا يا ادهم هتفرحني بيك ومع مين عهد

بنت صاحب عمري وبنتي.

ادهم…يعني موافق يا بابا؟

حسن…طبعا موافق انا لو لفيت الدنيا كلها مش

هلاقي زي عهد دي اتربت علي ايدنا كبرت قدامنا

كل الدنيا بتحسد سهام ومحمد الله يرحمه علي تربيتهم

ليها عهد دي ملاك بتحسسني انها في عالم لوحدها

بريئه ولسه قلبها نضيف.

ادهم…بسعاده فرحتني يا بابا كنت خايف ترفض