تعاهدنا

تقدري تنزليله.

سهام…معلش يا عهد قوليله لقيتها نايمه خليها وقت تاني

عهد…ماشي يا حبيبتي زي ما تحبي هنزل أبلغه.

خرجت عهد بعد ما قفلت نور الاوضه والباب وراها

ونزلت لأدهم بلغته .

وبعدها مشي علي طول بعد ما بلغها انه هيجي بكره يكلمها.

…………………………..
وصل ادهم الڤيلا بتاعتهم ودخل شاف

والدته أعده في الجنينه.

أدهم….مساء النور علي أحلي أم فالدنيا كلها طبعا عارف

انك زعلانه مني جدا عشان ولا فكرت ولا اتغديت

ولا حتي اتعشيت معاكي.

رقيه….يمكن كان ممكن أزعل و أبهدل الدنيا كلها كمان

بس ادام مع عهد مقدرش اتكلم

أدهم…بابتسامه قعد قدامها طب و أشمعني بقي عهد

رقيه…عشان حبيبتي وبنت حبيبتي طبعا

ادهم….لا انا كده ممكن أغير علي فكره

رقيه….دي اخر حاجه اصدقها انت تغير من حبي

لعهد مستحيل عشان انت مفيش حد بيحبها

زيك ولو تطول تخلي كل حب العالم يروح ليها

هي وبس مش هتتاخر

ادهم…بابتسامه غَلبتيني في دي بقي عندك حق

رقيه……مش ناوي برضو تقولي عن البنت اللي عينك

وقعت عليها.

أدهم….بابتسامه بصراحه مكنتش ناوي اقول الوقت

بس شكلي كده محتاج اتكلم.

رقيه…اتكلم يا حبيبي فضفض و أحكيلي

عندي احساس كبير اني اعرفها

أدهم….احساسك صح ومش بس تعرفيها

انتي كمان بتحبيها اوي.

رقيه….عهد؟

سكت أدهم وبصلها بصدمه اشمعني عهد.

رقيه…تبقي هي صح يا ادهم.

أبتسم ادهم بحب ايوه يا امي

رقيه …بفرحه قلبي كان حاسس والله يا ادهم

أدهم…ليه وانا باين عليا اوي كده.

رقيه….يمكن عمرك ما بان عليك يا ادهم طول عمرك

بتتعامل معاها علي انها اختك وبنتك الصغيره

لكن برضوا أحساسي كان ديما يقولي ان ادهم

اللي جواه اكتر بكتير من اللي بيظهره تجاه عهد

بس قولي طب وهي ايه بتبادلك نفس الشعور

أدهم…ايوه يا امي انا وعهد بنحب بعض من زمان

رقيه…طيب ليه ما قولتش يا ادهم

أدهم….اسباب كتير يا امي منعتني و منعتها في البدايه

كلن سن عهد الصغير مكانش ينفع أتقدملها وهي

لسه صغيره وبتدرس لما خلصت جامعه يا امي

عهد كانت في اولي اعدادي

يمكن كمان كنت بحبها من قبل ما توصل اعدادي

حاولت كتير اقنع نفسي ان الحب ده مش صح

مفيش شاب هايحب طفله لكن مقدرتش حبها

في قلبي مان كل يوم بيزيد

مكانش في ايدي اي حاجه غير اني استني خوفت

أصرح بمشاعري اتفهم غلط ومحدش يصدق اني