تعاهدنا

فضلنا كتير نأجل الكلام في موضوعنا لحد

ما خلصت دراسه و اتخرجت وبعد ما رجعت

من السفر قررت اني لازم افاتحكم

لاني مابقتش قادر خلاص مش عايز عمري

يضيع من غير ما تكون عهد في حياتي يا امي.

رقيه…بدموع الفرحه مش هتضيع يا حبيبي

متخافش انت مش عارف انا قلبي عامل ازاي الوقت

صدقني يا أدهم عمري طول عمري بتمنالك

حد يشاركك حياتك زي عهد ولولا اني كنت حاسه

انكم فعلا زي الاخوات انا اللي كنت قولتلك عليها
بنفسي

ادهم…يعني حضرتك موافقه يا امي

رقيه…طبعا موافقه انا لو لفيت الدنيا عمري ما هلاقي ليك أحسن من عهد

ادهم…طيب وبابا؟؟

رقيه….ها يوافق طبعا انت مش عارف هو بيحبها قد ايه

عهد متربيه وسطنا عارفين اخلاقها وتربيتها امها حبيبتي

واختي صدقني محدش هيعترض ابدا.

أدهم…طمنتيني يا امي

رقيه…ربنا يطمن قلبك يا حبيبي ولو عايزني من

بكره اروح أطلبهالك من سهام هروح

أدهم….لا خليني انا افاتحها بكره ان شاء الله

بعد ما اعرف رأي بابا الاول.

رقيه….ان شاء الله يا حبيبي.

أدهم…طب ايه مش يلا نطلع ننام بقي المجنونه

دي تعبتني انهارده في اللعب بتاعتها

رقيه ….بضحك لا بقولك ايه عهد تعمل اللي هي

عيزاه براحتها.

أدهم…بضحك ومين يشهد للعروسه.

ضحكت رقيه وقامت هي وأدهم دخلوا جوه..
………………………………………

دخلت عهد غرفتها وهي سعيده بكل الالعاب اللي

جابها أدهم كانت شبه الاطفال اللي جالها

لعب كتير يوم ميلادها وفرحتها بيهم

تصل الي السماء…ظلت تبتسم و تتنقل

بين كل لعبه ولعبه الي ان غفلت…

أما سهام كانت مصدومه مش متخيله ان عهد

و أدهم قدروا يخدعوها كانت تفضل ان يصارحوها

دموعها لا تتوقف خايفه علي عهد ولكن قررت

انها تخلص من الخوف ده وقررت انها تنهي اي حاجه

تخص عهد وادهم عشان تنفذ بنتها من فضيحه
مؤكده..
……………………………….

في صباح يوم جديد صحيت عهد خرجت بره الاوضه

بتاعتها لقت والدتها في المطبخ و بتتكلم في الموبايل.

سهام….تمام يا أدهم هستناك مع السلامه.

عهد….صباح الخير يا مامي.

سهام….من غير ما تبصلها صباح النور

استغربت عهد أتعودت علي كلمات صباح اخري

قربت منها شويه حضرتك تعبانه ولا ايه

سهام….لا الحمد لله انا كويسه

عهد….امال انا ليه حاسه ان حضرتك فيكي حاجه متغيره

سهام…ببعض العصبيه هيكون فيا ايه يا عهد