لقاء كارثي

وكأن القدر سرق منها طفلها في نفس اللحظة اللي سرق فيها من نعيمه أهلها.

وهنا بدأت ليله تنهار بجد بقت عماله تاخد نفسها بسرعه ودموعها بتجري
الالم بيزيد بشكل مش طبيعي نفسها ضاق و اتخنقت مش عارفه تتنفس عايزه تصرخ عشان تخفف الالم تخرج نفسها تنهار عشان ترتاح

بس مكانتش عارفه و فجاه سمعت صوت خبط علي الباب حطت ايدها بسرعه علي بوئها و برقت و سندت عالحيطه..

رحاب….ليله ليله انتي هنا ؟؟؟

لمحتها رحاب و هي بتمشي و هي اول واحده شافت دم بسيط في بنطلونها وهي بترجع كانت حاسه انها مش طبيعيه مصدومه ساكته علي غير العاده مش قادره تواسي صحابها فقلقت عليها و راحت بهدوء وراها وفكرت ان جالها البريود و حبت تنبهها.

رحاب….ليله انا رحاب يا ليله انتي كويسه ؟

كانت سامعه صوت نفسها و سامعه صوتها كأنها بتعيط بس الصوت مكتوم..

رحاب…..ليله والنبي ما تخوفيني انتي فيكي حاجه طيب انا هفتح ماشي

و قبل ما تفتح رحاب فتحت ليله بهدوء الباب بصت رحاب عالباب وهو بيتفتح بهدوء لمحت ملامح ليله دموعها نازله عينها حمراء ملتمحها باهته و فجأه وهي بتبص بعينها لفت نظرها بنطلون ليله

رحاب برقت و بصتلها

رحاب…..ليله انتي فيكي ايه ؟

ليله….بتعب واضح ششششششش اوعي اوعي حد يسمعك او بعرف اني هنا انا بجهض خرجت الكلمه منها و هي نفسها متقطع وبتمسك في الباب

رحاب من الصدمه حطت ايدها علي بوئها و مسكتها بسرعه

رحاب…..انتي كنتي حامل

ليله…..و هي بتاخد نفسها بسرعه و دموعها نازله كنت شاكن كنت شاكه و طلعت حامل ااااه

رحاب…..طيب انا هروح انادي عشري او اي حد

مسكتها بسرعه من ايدها

ليله….بدموع اووووعي اياك حد يعرف اياك يا رحاب

رحاب…. ليله مش هينفع دمك هيتصفي و هيحصلك تسمم انتي لازم دكتور يشوفك بسرعه

سمعت صوت صريخ نعيمه جاي احد عندها غمضت عينها بوجع و بقت تعيط

ليله…مش هينفع مش هينفع صدقيني مش وقته

رحاب….مفيش حاجه اسمها كده هيجرالك حاجه يا ليله و اصلا كده كده لو شافوكي بالمنظر ده هيعرفوا

ليله….مسحت دموعها ومسكت ايد رحاب بسرعه عشان كده انا عيزاكي تساعديني ارجوكي يا رحاب خليكي معايا محدش لازم يعرف اسمعيني كويس دي مفاتيح عربيتي هتخرجي بهدوء من المستشفي اول ما هتخرجي هتلاقيها في وش الباب انتي عرفاها صح هي هتلاقي فيها خبطه من الباب اللي وراء افتحيها براحه هتلاقي وراء شنط سفر كتير فيهم شنطه لونها بينك دي بتاعت نعيمه هتفتحيها بسرعه و تجيبي منها اي غيار تلاقيه مناسب عايزه بنطلون و تيشرت و هتلاقي في اااااه