لقاء كارثي

مكان الدفن ؟؟؟

حماده….ازاي مش عارفه يا بنتي؟

نعيمه…بدموع والله ما اعرف انا عمري ما روحت مع بابا المدفن الجديد و لا اعرف مكانه فين بالظبط انا عارفه انه علي طريق الفيوم بس هو مدفن جديد واصلا محدش اتدفن فيه خالص اللي راح معاه كان نادر

عاصم…..طيب اهل ابوكي اكيد عارفين يا نعيمه مش ليكي عم عمه اي حد

نعيمه…بدموع عمي وعمتي متوفين من زمان و اصلا المدفن الاساسي بتاعهم بابا سابه من وقت طويل و اشتري المدفن ده لينا احنا

شيرين….طيب اهل ماما يا نعيمه

نعيمه…بدموع الموجود منهم اصلا قرايب من بعيد و ماما مكانش عندهم مدفن خاص كان تبع ولاد اعمامها و اهل مامتها من بعيد ماما اصلا كانت موضيه بابا تدفن عنده بس كان في مشاكل مع قرايبه من بعيد علي حوار المدفن ده عشان كده بابا قرر يشتري المدفن ده لانه قال لماما انه هو هيتدفن عادي معاهم بس خاف علينا احنا وماما فا اشتري ده صح يا حماده انت كنت عارف انت وحمودي كل ده

احمد….ايوه صح هو حب يريح دماغه و قال انه هيشتري واحد واحنا قولنالوا كده احسن و فعلا قال انه اشتري واحد علي طريق الفيوم بس انا عمري ما روحت معاه زي ما نعيمه قالت المدفن جديد ومحدش اتدفن فيه وده كان من حوالي خمس سنين

حماده …ولا انا عمري روحت او عرفت مكانه اللي كان عارف نادر

عشري الكبير….ايوه بس نادر الوقت مش هيقدر يعرفنا اللي يشفيه يارب بس شوفي يمكن حد يعرف او حتي اكيد هو مسجل رقمه

فضل…فين التليفون طيب بتاعه

تامر….بهدوء الشنطه اللي وراء يا فضل فيها كل متعلقاتهم انا خدت منها بطايقهم و انا بسجل بياناتهم و فيها الموبيلات

عاصم…..شوف في السجل اكيد مسجله

سامح….طيب اسمه ايه الراجل المسؤول عن المدفن

نعيمه….بدموع معرفش والله ما اعرف يمكن يكون قال قدامي مره بس مش فاكره حاجه خالص

وليد….طيب اهدي مش مهم احنا هنشوف و هنتصرف بسيطه ان شاء الله

تامر و حودا وفضل بقوا يبصوا في موبايل عادل و نادر و نجلاء

كل الارقام مكانش باين مين فيهم صاحب المدفن كتبوا كل حاجه في السيرش تعبر عن مدفن مفيش بقوا يقربوا الموبايل لنعيمه جايز تفتكر من الاسامي كانت منهاره ومش عارفه حاجه

احمد زوج اميمه….طيب لو حد من اهلك عرف يمكن يكون عارف حاجه عن المدفن ده

نعيمه…..بدموع محدش يعرف يا احمد اي حاجه بابا اصلا طول عمره في حاله و مش متداخل معاهم اوي و بعد اخواته ما اتوفوا قرر يسيب كل حاجه ويشتري المدفن ده