لقاء كارثي
لقاء كارثي
انهارت نعيمه في حضن فضل كان حاضنها و حاطت ايده علي راسها
الوجع كان بيزيد علي لياه بشكل ملحوظ بس هي بتحاول متبينش
اما ايمي كانت منهاره وباصه بصدمه و ماسكه بطنها وجع رهيب هي كمان حاسه بيه..
ماريز….بحزن ودموع يعني ايه يا دكتور طيب هيفوق امته
الدكتور….هز راسه بحذر هو للتسف محدش فينا الوقت يقدر يحدد الساعات الأولى بعد الحوادث اللي بالحجم ده بتبقى الأهم إحنا بنراقب أي نزيف أو مضاعفات ممكن تحصل.
حالياً هما الاتنين في العناية المركزة وممنوع الزيارة نهائي.
و نقدر نقول ان أقل مدة متوقعة للعناية من أسبوع لعشر أيام لو الأمور مشيت كويس و حالتهم استقرت وبعدها حالتهم هي اللي هتحدد هيحتاجوا فترة قد ايه في المستشفى يعني في علاج وتأهيل خصوصاً للشاب بس لو حالته و حاله البنت استقرت هيفضلوا شويه معانا لحد ما نطمن انهم بخير و بعدين يقدروا يرجعوا البيت و هنكمل معاهم برضوا..
نجود…..بحزن يا حبايبي قلبي
امينه…..اللهم لا رد لقضائك يارب
بقي في همسات و دعاوي ودموع و نعيمه والبنات منهارين
الدكتور…..اللي حصل مش حادثة عادية العربية وقعت من ارتفاع كبير جداً وبصراحة مجرد إن الاتنين لسه عايشين لحد دلوقتي يعتبر معجزة احنا عملنا مل اللي نقدر عليه و الباقي ده بتاع ربنا
عشري الكبير….ونعم بالله
حماده…..طيب الباقي يا دكتور طمننا بالله عليك حالتهم ايه
الدكتور…..بهدوء نزل عينه للارض ثواني و بعدين رفعها وبصلهم بهدوء
بالنسبه لباقي المصابين..
سكت ثواني بسيطه لكن بالنسبه ليهم كانت مرعبه بصتلوا نعيمه و كلهم انتبهوا
كمل الدكتور كلامه الإصابات اللي وصلوا بيها كانت بالغة جداً كانوا فاقدين للوعي بالكامل وقت وصولهم وفي إصابات شديدة ومتفرقة في جميع أنحاء الجسم وإصابات مباشرة في الرأس والصدر.
انقبضت وشوشهم كلهم دقات قلبهم بقت عاليه نظراتهم لبعض كانت مرعبه
الدكتور…فريق الطوارئ بدأ إجراءات الإنعاش فور دخولهم و اتعمل معاهم كل المحاولات الطبية المطلوبة لكن للأسف حجم الإصابات الناتجة عن السقوط و الاصطدام كان كبير جدا
صدقوني عملنا اللي علينا لكن إراده ربنا فوق كل شئ البقاء لله شويه و هرجعلكم عشان نشوف الاجراءات
جمله كانت كفيله تحول نظراتهم لصدمه حقيقه بصوا علي نعيمه بدا يحصل انهيار حقيقي للكل
