لقاء كارثي
لقاء كارثي
الاحداث كانت سريعه لكن في تفس الوقت كانت ماشيه ببطئ كل ثانيه كأنها سنه…
وصل اخيراً فضل و سليم فضل عرف من سلامه ان نعيمه و ليله بخير اطمن شويه بس كان مصدوم ان اهلها هما اللي وقعوا جايز جزء كبير جواه ارتاح بس برضوا كان مرعوب و كان خايف اكتر علي سليم اللي اول ما عرف ان نسمه كانت معاهم سكت تماماً منطقش و هما داخلين بيجروا من بره قابلوا شيرين و عاصم و اخوات نادين دخلوا معاهم بسرعه.
كانوا كلهم موجودين في الاستراحه اللي قاعد واللي واقف و اللي بيهدي نعيمه ليله كانت جنبها مش سيباها ماسكه ايدها و ساكته و نعيمه رغم ان الكل حواليها بس قافشه في ايد ليله وايمي مش سيباهم و طبعا نادين وايه و سلمي جنبهم.
دخل فضل يجري و بمجرد ما نعيمه لمحتوا من بعيد قامت وقفت وراحت عليه وهي منهاره خدها فضل في حضنه بكل قوته و انهارت نعيمه حرفيا قاموا البنات بسرعه قربوا منها و وقفوا في ضهرها و هي بس ماسكه في رقبه فضل في حاله هيستريا وانهيار و كل الي بتقولوا امي وابويا واخواتي يا فضل
ولاول مره تنزل دموع فضل قدامها وقدام الكل كان حاضنها و قلبه مش مبطل دق فكره انها تروح منه وصوت صريخها وكلام الناس اللي كان سامعه كان مخليه في حاله حزن رهيبه…
رشيد و حسان وسلامه و ميدو قربوا منهم سليم كان واقف تايه وساكت قرب منه بسرعه عدي و تامر و محمود
فضل بعد وشها وحضنه بكفوفه
نعيمه…قولي انهم مش هيروحوا مني والنبي قول حاجه
فضل….جريت دموعه و ابتسملها بهدوء و الله العظيم هيبقوا بخير متقلقيش
نعيمه….انا شوفتهم يا فضل شوفتهم والله العربيه طارت من الكوبري شوفت نسمه سايحه في دمها ومش بتنطق
بصلها سليم بصدمه و سند ضهره عالحيطه وسكت
فضل….طيب اهدي والله هيبقوا كويسين بصيلي متخافيش هيبقوا بخير ماشي احنا واثقين في ربنا مش هيخذلنا
نعيمه…. بدموع و ضعف مش هقدر اتحمل يا فضل حد يجرالوا حاجه واله هموت يا فضل هموت والله العظيم ابويا كان قدام يا فضل العربيه اتدمرت كل حاجه راحت شوفتهم يافضل شوفتهم ومعرفتش اعمل حاجه
فضل…هيبقوا كويسين والله هيبقوا كويسين ندعيلهم ماشي ندعيلهم يا قلبي
نعيمه…. اعمل حاجه يا فضل عشان خاطري اعمل حاجه مينفعش يروحوا مني
ضمها فضل تاني و غمض عينه
قري عشري الكبير من سليم خده في حضنه من غير ولا كلمه
