لقاء كارثي

وليد….اه عادي خلينا نعمل احسن

الممرضه…طيب اتفضلوا

راحوا معاها و ملحقش عمرو يرتاح راح معاهم بسرعه يتبرع

ارتاحوا شويه كلهم لكن التوتر و الخوف و الدموع مكانوش بيقفوا

نعيمه كانت منهاره و عماله تدعي و مرعوبه حاسه الوقت مش بيعدي

تامر….رهف انتي ورحاب اشربوا العصير عشان محدش فيكم يتعب

رحاب…..انا كويسه والله خلي رهف تشرب عشان شكلها دايخ

رهف…لا لا انا كويسه

سلمي….بدموع رهف اشربي انتي و رحاب حتي لو شربتوا مايه انتوا محتاجين سوايل عشان تعوضوا الدم ده

نعيمه…..بدموع بصتلهم بجد شكراً مش عارفه اقولكم ايه

بصتلها رهف بحزن و معرفتش ترد او هي في المواقف دي مش بتعرف تتكلم اصلا غير ان نعيمه كانت مقطعه قلبها و افتكرت اختها وامها و يمكن كلهم كانوا متعاطفين معاها وكل حد فيهم كان حاطت نفسه مكانها او متخيل موقف مشابه فاكنوا حابين يساعدوها باي طريقه.

رحاب….شكراً علي ايه يا نعيمه ده اخونا احنا كمان وياريتهم وافقوا اصلا ياخدوا مني تاني

سلمي…..مينفعش يا رحاب خطر عليكي و مش قانوني و مفيش مستشفي هتوافق لانهم هيعرضوكي انتي كمان للخطر

رشيد….الحمد لله عمرو فصيلته ينفع تديه

سلامه….بهمس ايه انتي كويسه

ايه…..متقلقش بخير

………….

دقايق بسيطه و رجع الشباب كلهم عمرو اتبرع وهما عملوا اختبار و كانوا مستنين النتيجه.

و شويه كمان وجه كذا حد من اهل السواق بتاع الاوبر اللي كان سايق

كان في حاله حزن كبيره و واضحه عرفوا اللي حصل والكل كان مستني..

و اغلبهم اصلا كان عارف بس ان العربيه وقعت بس محدش عرف ايه اللي حصل لا نعيمه كانت قادره تحكي و لا ليله كانت معاهم طول الوقت ساكته و واخده نعيمه في حضنها..

سمعوا بس من اهل السواق كلام بسيط عن عربيه نقل وحادثه كبيره مكانوش فاهمين

حماده…..عربيه نقل ايه اللي بيقولوا عليها دي هي الحادثه كانت مع عربيه و لا السواق اللي دخل في الكوبري

فضل….بحزن انا معرفش اي حاجه لحد الوقت انا كنت بكلمها هي وليله و فجأه سمعت صوتهم بيصرخوا الهط فضل مفتوح شويه و بعدين انا قفلت عشان ارجع اتصل تاني بس مردوش

تقي….بدموع انا كمان كنت بكلم نسمه و فجأه سمعت صريخها و معرفش حصل ايه

نعيمه…بدموع السواق مدخلش في الكوبري دي عربيه نقل هي اللي خبطتهم و وقعتهم حطت أيدها علي وشها وفضلت تعيط