لقاء كارثي

ليله….بعدت عنها مساعدتك ليا انك بس تسكتي متتكلميش هليكي متبعاني من بعيد خليكي مع البنات نعيمه محتجالنا كلنا الوقت يا رحاب

رحاب…عارفه والله وحاسه بيها صدقيني اللي هي فيه صعب واجعنا احنا مبالك هي بس هتبقي كويسه وانتي هتبقي كويسه وربنا هيعوضك والله بس انا طالبه منك طلب لو حسيتي باي احساس متعب او دوحه او انك بجد مش قادره تقفي لازم تعرفيني لازم الحقك يا ليله
اوعديني تبقي صريحه زي ما انا وعدتك اني مش هتكلم

ليله….بدموع اوعدك والله اوعدك
انا مش عارفه اشكرك ازاي بجد

رحاب….مفيش بينا شكر انتي اختي لياه والله العظيم انا بحبك وبحب نعيمه وبحب البنات انا واختي ملناش حد غير اهل عبد الله و انتوا بقيتوا جزء من العيله دي و لو خصل مني حاجه قبل كده انسيها والله العظيم انا بحبكم و حاليا مش عايزه اي حاجه غير انكم تبقوا بخير و قلبكم مرتاح انا ابويا راح مني يا ليله واكتىبت سنين ومجربه والله الشعور ده و حاسه بيكم انا معاكم اختكم و مش هسيبكم

ليله…بدموع ابتسمت واحنا مش زعلانين منك يا رحاب انتي اختنا

رحاب…بابتسامه مسحت دموع ليله طيب يلا يا قلبي روحي غيري و هتخرجي تشرب العصير ده انا جيبالك كتير في عربتي وفي شنطتي يعني هتفضلي تشربي وتسمعي الكلام والا والله مش هسكت

ليله…. بابتسامه من بين دموعها لا هسمع الكلام

دخلت ليله غيرت تاني و شويه وطلعت غسلت ايدها طلعتلها رحاب مناديل و فتحلها العصير

رحاب…يلا اشربي صحيح المسكن كويس

ليله…..اه احسن كتير من اللي كان معايا

رحاب…ان شاء الله الساعات دي تخلص بسرعه و نطمن عليكي

ليله…..ان شاء الله

………………

تقي…..بدموع هتبقي كويسه والله وهتخرج هي ونادر

نعيمه…..بدموع انتي عارفه انها بتحبك اكتر مني

تقي…بدموع مسكت ايدها لا طبعا انتي اختها نسمه بتحبك اوي والله العظيم و مفيش مره نخرج مع بعض الا وتجيب سيرتك

نعيمه….بس انتي كنتي اقرب ليها مني

تقي….طيب انتي عارفه ان اخر فتره من بعد سفرك و رجوعك نسمه كانت مبسوطه اوي انك معاها ديما

نعيمه….بدموع عارفه و الله عارفه تقوم هي بس والله ما هسيبها لحظه

تقي…هتقوم والله وهتبقي كويسه و هنبقي جنبها كلنا

سليم…بحزن نعيمه نسمه ونادر محتاجين تكوني اقوي من كده انتي عارفه نسمه كويس عامله ازاي في الطبيعي مبالك لما تفوق وتعرف اللي حصل انتي عارفه انها هتحتاج دعم قوي منك ومن كل اللي بيحبوها