لقاء كارثي
لقاء كارثي
ليله مشت قمر بالعافيه مكانتش راضيه تمشي هي و مها قالتلهم يروحوا يطمنوا علي البنات مها كانت سايبه بناتها لوحدهم و راحت مع قمر وسامح يخدوهم و هيسيبوهم في بيت اميمه مع كل الولاد
عشري المبير و فضل والكبير فضلوا موجودين برضوا محدش مشي منهم
سليم كان قاعد هو واقي ساكتين هي دموعها نازله و هو قاعد حزين و ساكت
البنات حوالين نعيمه واخدينها في حضنهم و فضل معاها مراحش في اي مكان
حاله من الحزن شويه صمت شويه دموع شويه هدوء شويه انهيار
شويه تغمض نعيمه عينها و تفتح تاني تنادي علي ليله
نعيمه….يا لييييله
غمضت ليله عينها بتعب وهي وخداها في حضنها
ليله….نغم يا قلبي انا جنبك
نعيمه….بدموع امي وابويا يا ليله
ليله….حقك عليا انا يا قلبي اهدي يا ماما غمضي ونامي شويه
تكست نعيمه عشر دقايق ربع ساعه و ترجع تفتح عينها بتعب واضح
نعيمه….بدموع يا فضضضل
فضل…. ايه يا قلبي
نعيمه…..امي وابويا يا فضل سابوني
فضل ..بحزن باس كفها لا يا قلبي محدش سابك هما معاكي وحاسين بيكي
ريهام….بهمس وهي بتعيط البت قلبها هيقف
حنان….حقها يابنتي حقها مصيبتها كبيره
سلامه…سيبوها محدش حاسس بيها ربنا يكون في عونها
نعيمه…..يا ليله
ليله…ايوه يا قلبي
غمضت نعيمه عينها وسكتت فضلت تطبطب علي شعرها و تقرالها قران
رشيد….قرب منهم نعيمه نعيمه
فتحت عينها وبصتلوا
رشيد….تعالي يا نعيمه افردي جسمك عالكنبه دي ونامي شويه يا ماما
نعيمه…..امي سابتني يا رشيد
رشيد…بحزن ابتسم لا والله هي حاسه بيكي يا قلبي بس انتي كده بتعذبيها ارتاحي شويه
ايمي…قومي يا نوني نامي شويه يا ماما
نعيمه…سبووووني سيبوني بقي
سلمي…..سيبوها خلاص
نعيمه …عايزه اشوف اخواتي والنبي ودوني اشوفهم
فضل…هوديكي والله الدكتور بس يقولنا انه ينفع و هنروح نبص عليهم
سكتت شويه
نعيمه……كان شكلك حلو اوي يا نوجا بالابيض قولتلك البسي زينا اسود قولتي لا هلبس ابيض كان قلبي حاسس صح يا نوجا
مسجت ليله دموعها بهدووءو طبطبت علي شعرها
رفعت نعيمه راسها وابتسمت كانت عامله زي المجنونه
نعيمه….شوفتيها با لولي كانت فرحانه ازاي الصبح
ليله…شوفتها يا قلبي
نعيمه…..بصت لماريز و ضحكت عارفه يا زوزو قولتلها الافضل الست تلبس حاجه غامقه عشان اللبس ميبقاش بيشف ولا تبقي بتلفت النظر و نوجا جميله اوي صح
