لقاء كارثي

شيرين كلمت نادين تعرفها انها هتنزل الوقت وتروحلها اتفاجىت بصوت عياط وانهيار نادين و عرفت منها اللي حصل و طلبت تعرف هما فين نادين مكانتش عارفه و قالتلها لسه محدش يعرف احنا بندور عليهم

نزلت شيرين وعاصم و ولادها و عرفت عاصم اللي حصل و قفوا مكانوش عارفين يروحوا فين لحد ما ركبوا عربيه و طلب عاصم منه يفضل معاهم

الكل خرج و ركبوا عربياتهم محدش عارف رايح فين جاي منين و كل الاحداث دي فات عليها بالظبط نص ساعه بس كانت اطول واتقل نص ساعه في حياتهم…

لحد ما اخيراً جالهم ((تامر))

كانه طول نجاه للكل بمجرد ما عرف الخبر من ابوه واخواته كان هو في شغله قريب من مصر الجديده طريق المطار و نزل و سال في خادثه حصلت في البدايه ناس قالوا منعرفش و لما بقي يقرب اكتر ويسأل عرف ان كان في حادثه مرعبه و لمح بنفسه العربيه وهي واقعه من فوق الكوبري فضل يسأل لحد ما عرف الاسعاف خدتهم علي انهي مستشفي و يعتبر كان هو اقرب حد يوصلهم بسرعه…

اتصل علي عشري مكانش بيرد كان متخيل انه بيتصل يسال

قفل واتصل بسرعه علي سلامه .

سلامه….ايوه يا تامر

تامر….. سلامه انا عرفت هما في انهي مستشفي بتصل علي عشري مبيردش

سلامه…..قلبه اتخطف وكامه اكد الخبر فين يا تامر

تامر…..هما في مستشفي مصر للطيران اللي في الماظه انا قريب منهم رايح علي هناك حالا

سلامه….هبلغه وجاي وراك سلام

تامر…..سلام

قفل تامر مع سلامه بقي يبلغ ابوه و اي حد عايز يعرف و سلامه اتصل بسرعه علي عشري.

سلامه….ايوه يا عشري تامر بيكلمك عرف مكانهم

عشري…..نطق لسانه وهو قلبه بيدق بسرعه فين ؟

سلامه….. مستشفي مصر للطيران اللي في الماظه

قفل عشري و داس بنزين بكل قوته وطار

في الوقت ده الكل كان بيبلغ بعضه و بيروحوا علي المستشفي..

…………….

اما ليله و نعيمه.

وصلوا علي المستشفي عربيات الاسعاف دخلت قدامهم بسرعه و جري عليهم ممرضين و ممرضات جري بقوا يدخلوا مع بتوع الاسعاف و الدكاتره تاخد منهم بسرعه

نزلت نعيمه جري و ليله وراها العبايه اللي كانت لبساها كانت لابسه من تحتها تيشرت بنص كم و بنطلون چينز اسود قلعت كل ده في العربيه

ليله كانت لابسه سيت لونها اوف وايت كت زي السوت كده .

جريوا وراهم و سابوا كل حاجه لا شنط و لا موبيلات يادوب سحبت المفتاح و قفلت العربيه و طارت وراها