لقاء كارثي
لقاء كارثي
رهف وقفت علي جنب مع نغم و كانت زعلانه و حزينه و خافت اكتر لما سمعت منهم حاله نادر كانت متخيله انها معجبه بيه بشكله شخصيته مش اكتر من كده لكن لما عرفت الخبر كانت هتتجنن اتحايلت علي امينه تستناها تلبس بس امينه كانت عايزه تمشي بسرعه و لبست هي وجات مع البنات…
وصلت تقي هي و مها و سابت كنزي و خديچه في البيت كانت داخله تجري زي المجنونه و عماله تعيط
تقي….بدموع لو سمحت في حادثه ااا
الموظف…بتاعت الكوبري ؟
تقي…..ايوه ايوه
الموظف….اخر الطرقه يمين في الاستراحه
جريت تقي
مها…شكرا راحت وراها بسرعه
قربت تقي و هي بتعيط لمحها عدي و وليد
تقي…بدموع وهي بتقرب عليهم نسمه فين نسمه حصلها ايه؟
عدي….اهددددي اهدي
تقي…..بدموع كانت بتكلمني و الله كنت بكلمها انا قولتلك في حاجه قولتلك سمعت صوتها وهي بتصرخ
خدها وليد في حضنه فضلت تعيط بانهيار مكانش عارف يسكتها
وليد….تقي اهدي عشان نعيمه مش مستحمله
تقي…..سمعتها يا بابا والله سمعتها كنا بنهزر و بنضحك كنت بقولها وعد هاجي اخدك من المطار عشان مش هعرف اروح اوصلها ياريتني روحت ياريتيني روحت و فضلت معاها
عدي…..تقي نعيمه منهاره اهدي عشان خاطرها
وليد….بس يا قلبي بس هتبقي كويسه
قرب منها فضل
فضل…تقي عشان خاطري انا اهدي
تقي….بدموع كنت بكلمها هي و نادر يا فضل كنا بنهزر مع بعض قالتلي انا عملالك اذكار صدقه جاريه عشان تاخدي الثواب قالتلي عملالكم كلكم بكل اساميكم كانت فرحانه اوي
فضل….بحزن طبطب علي راسها طيب اهدي ادعيلها وهتبقي كويسه والله هتبقي كويسه اصلا محدش قال حاجه وحشه يعني هما بخير
تقي….بدموع يارب يارب
وليد….تعالي يا مها تعالي يا تقي اقعدوا عشان الزحمه بره بس
قربت تقي من نعيمه و هي بتعيط بصتلها نعيمه و عيطت تاني
حضنتها تقي و فضلوا الاتنين يعيطوا كانوا منهارين
نعيمه…..نسمه هتروح مني يا تقي شوفتها سايحه في دمها
تقي انهارت اكتر و بقوا يهدوهم هما الاتنين و خدتها ليله بعيد عن نعيمه و فضلت حضناها
تقي….بدموع عملتلنا كلنا يا ليله اذكار بأسمنا عشان تحطهم هناك قالتلي كان نفسي تبقي معايا و كلنا نروح مع بعض زي ما اتجمعنا في الفرح بس انا هحط اساميكم كلكم عشان احس انكم رحتوا معايا
ليله…..بوجع بس بس ياقلبي هتبقي كويسه
