لقاء كارثي

و خدت ايمي الصدمه اللي خلتها حست ان الدنيا وقفت لحظه يعني ايه فضل يسمع ان العربيه اتقبلت من فوق الكوبري جمله تهز اي بني ادم فا مبالكم لو اتشافت مش بس اتسمعت زي ما حصل مع ليله ونعيمه..

ايمي كانت عامله زي اللي اتخبط علي دماغه خبطه قويه بس محبتش ابدا تستسلم للخبطه دي لانها لو استسلمت روحها هتروح فقررت تقوم علي حيلها بسرعه

في البدايه بقت تايهه ثواني عقلها مش قادر يترجم عماله تروح وتجري شمال ويمين كانت ناسيه اوضتها فين و بعدين طلبت من چوي تلبس بسرعه وجريت تلبس و هي عماله تتصل بعشري مشغول طول الوقت وهنا اتاكدت ان في مصيبه كلمت رشيد و هي في حاله مش طبيعيه

كان رشيد في الوقت ده عرف من حسان لانه اتصل علي فضل لما سلمي قالتلوا وعرفوا كان هيتجنن و بيكلم عشري عشان يعرف هو فين

فضلت تتكلم وهي بتلبس لحد ما اخيراً رن..

رشيد رد وهو مأكد علي حسان وسلمي محدش يقول حاجه لايمي الا لما يعرفوا في ايه عشان متتوترش عالفاضي وتخاف رد بترقب و هو قلبه بيقولوا ايمي عارفه..

رشيد….الووو

ايمي….رشيد رشيد لياه و نعيمه يا رشيد

رشيد….طيب اهدي اهدي ان شاء الله مفيش حاجه

ايمي….انت عارف عاااارف يبقي في ايه صح قول لا يا رشيد

رشيد…ايمي اهدي عشان خاطري انا معرفش حاجه لسه واكيد خير في حاجه غلط انتي عرفتي من مين

ايمي…بكلمهم من بدري محدش بيرد اتصلت بفضل قولت اكيد قابلهم فضل قالي انا بلبس وخارجه حالا بس مش عارفه اروح فين

رشيد…خارجه فين يا ايمي احنا محدش فينا لسه عارف و عشري بيحاول يوصل لليله بطريقته نشوف بس هيقولنا ايه و هنروح

ايمي….. بعصبيه و توتر مش هستنييييييي انت بتطلب مني ايه اصلا

رشيد….طيب اهدي هعدي عليكي حالا انا في المعرض قريب منك دقايق واكون عندك

ايمي….بسرعه يا رشيد والنبي

رشيد….طيب اهدي عشان خاطري انا خرجت اصلا يلا اجهزي و براحه متقلقيش خير والله

ايمي…طيب متتأخرش

رشيد…جاي حالا والله يلا اجهزي

……………..

عشري كان في حاله مش حلوه خالص

من وقت ما سمع الخبر من فضل وهو حاسس إن الدنيا حواليه بقت بعيدة.بعيدة بشكل مرعب.

الطريق قدامه كان بيتبدل ويتغير وهو مش واعي لتفاصيله كأن العربية هي اللي بتسوق نفسها وهو مجرد جسد قاعد ورا الدركسيون.

إيده كانت قابضة عليه بقوة لدرجة إن مفاصله ابيضت وعروقه برزت وفكه كان متشنج بشكل مش طبيعي من كتر ما بيضغط عليه