لقاء كارثي

ليله…ان شاء الله

نعيمه….سكتت ثواني و رجعت بصتلها بدموع بس هيخرجوا ازاي يا ليله بس ازاي دول طاروا من علي الكوبري يا ليله انا شوفت العربيه بعيني وانتي شوفتي معايا ازاي خبطهم وازاي وقعهم شوفتي العربيه حصل فيها ايه تحت العربيه اتدمرت خالص الناس اللي عدلتها العربيه بايظه بابا كان راكب قدام وانتي شوفتي منظرها مستحيل يخرجوا منها كويسين بس والله ما هقدر اتحمل يا ليله لو جرالهم حاجه هموت والله هموت

خدتها ليله في حضنها وانهارت نعيمه و البنات انهاروا اكتر مانوا عارفين انها بتحاول تصبر نفسها باي كلام قامت ايمي بسرعه و خرجت من الاستراحه و هي منهاره

راح رشيد وراها بسرعه هو ومحمود

ليله…..بوجع متقوليش كده هيبقوا كويسين والله هيبقوا كويسين

قرب منها فضل و قعد قدامها ومسك ايدها

فضل….نعيمه عشان خاطري اهدي اللي بتعمليه ده هيتعبك عالفاضي الوقت الدكتور يخرج يطمننا و هتلاقي الكل كويس بس انتي اللي هتتعبي يبقي ليه هما هيخرجوا محتاجينك ينفع يخرجوا يلاقوكي تعبانه و هما محتاجينك

نعيمه….يخرجوا بس وانا والله هبقي كويسه

فضل…هيخرجوا يا قلبي والله متخافيش انا بس عايزك تهدي و تبطلي عياط ادعيلهم

امينه….نعيمه يا بتي البكا ده بشره مش حلوه يا حبيبتي ادعيلهم اقرأي قران اتفائلي خير ربنا كريم و مش هيوجعك بس انتي اهدي شويه

نعيمه….بدموع مش قاددره والله ما قادرررره صوره العربيه مش بتروح من بالي مش عارفه افكر في اي حاجه كويسه وانا شايفه بعيني منظر العربيه

حماده……يابنتي بيحصل حوادث اكتر من كده و بيخرجوا منها بخير و سلام ده ربك كريم اتفاىلي خير يا بنتي و ادعي ادعي كتير

نعيمه….لو جرالهم حاجه هموت يا حماده والله هموت

حماده…بعد الشر عليكي وعليهم هيبقوا كويسين والله هيبقوا بخير

نعيمه…يارب يارب

…………..

رشيد خد ايمي في حضنه كانت منهاره حرفياً

حودا…ايمي عشان خاطرنا احنا هتتعبي والله كفايه يا قلبي

ايمي….مش قادره مش قادره يا محمود انا اعصابي بايظه من وقت ما عرفت انا جايه وانا عارفه ان ليله ونعيمه فيهم حاجه بس كان عندي امل يبقوا بخير كلهم احنا جايين عللطريق شوفتا العربيه مركونه علي جنب العربيه متدمره مستحيل يخرجوا منها كويسين

رشيد…..ايمي بلاش الكلام ده نعيمه لو سمعت هتنهار اكتر