لقاء كارثي

حماده و احمد حطوا ايدهم علي راسهم و نزلت دموعهم

نعيمه كانت باصه و لسه مش مستوعبه هو يقصد مين السواق ولا مين بالظبط بمجرد ما سمعت صريخ اهل السواق حست للحظه انه ميقصدش امها وابوها بس ليه حماده و احمد دموعهم نازله ليه زوزو و اميمه و قمر و مها منهارين ليه حنان ونجود و امينه دموعهم نازله ليه البنات عاملين كده ليه نظرات الشباب دي ليه فضل دموعه نازله و عمال يمسك فيها بالشكل ده و بدأت ردود افعال البنات تخليها تنتبه اكتر

ايمي….لا لا لا موت لا موت لا والنبي موت لا مسكت بطنها جامد و بقت تعيط و رشيد واخدها في حضنه و مش قادره تقف علي رجليها هو بيمسكها و مصدوم وعمال هو والشباب يبصوا لبعض

البنات قربوا منها نادين و سلمي وايه و هما منهارين و بيحضنوها

تقي بتصرخ و عماله تعيط و منهاره و تنادي علي نجلاء كانت بتحبها جدا و قريبه منها

وليد عمال يسكتها و يهديها و عدي ماسكها و مصدوم

ثواني و ايه وقعت مفقدتش الوعي بس بقت عماله تقول مش عارفه اقف مسكها سلامه بسرعه..

ليله كانت ماسكه دراع نعيمه و لسه مصدومه

نعيمه بصتلها و بصت لفضل و بصت لكل اللي حواليها بيحاولوا يواسوها

نجود شويه تاخدها في حضنها وامينه وحنان واميمه وقمر البنات مكانتش فاهمه

نعيمه……يعني ايه ؟ هو بيقول ايه مين اللي مات هااا ليله مين اللي مات هو قال السواق بس صح؟؟

اه صح اهله بيعيطوا بس انتوا ليه بيعيطوا هزت فضل من كتفه فضل فضل انا امي وابويا مالهم ؟ و الله العظيم مش فاهمه هو يقصد ايه انت بتعيط ليه؟

ماحد فيكم يقول حاجه

عشري…..نعيمه اهدي والنبي

نعيمه…انا هاديه عايزه افهم مالهمممم دول هو قال ايه و المصحف ما فهمت البقاء لله دي لمين لمين بالظبط ؟

نجود….بدموع ضمتها اهدي وادعيلهم يا نعيمه

بعدت بسرعه عن حضنها وزقتها

نعيمه….ادعي لمين ؟ طب ادعي بأيه يخفوا يعني بدأت تنهار حد يرررررد

ليله انطقييييي ايمي ايمي قولي حاجه اللي ماتوا دول امي وابويا قولي حااااجه مين مات والنبي

بصتلها ايمي و هي منهاره لاقادره تقف ولا قادره تسيبها بقت هي و البنات يحضنوها الخمسه وقفوا حضنوها و هي وسطهم و عندها ذهول عماله تبصلهم و تبص للشباب

في احاس بروده غير طبيعيه و الوشوش غريبه و الحركه مش طبيعيه كانها بتحلم

الشباب كلهم قربوا منها ومن البنات