لقاء كارثي

ايه….انتي هتوخفيني ليه هيكون في ايه يعني يمكن بيتكلموا مع حد او يمكن نعيمه بتكلم فضل

سلمي…..ماهو مش بيدي مشغول علي طول ده شويه جري و شويه مشغول كان في حد بيحاول يتصل عليهم

ايه….معرفش والله يا سلمي انا ليله عدت ليه اطمنت وقعدت معانا شويه و مشيت راحتلها و انا كلمت نوني قبل ما ليله توصل رغيت معاها شويه يعني كانوا كويسين

سلمي…معرفش طيب خلاص انا هحاول تاني يمكن في حاجه في الشبكات

ايه….طيب انا كمان هحاول بس علي فمره فضل و سليم رايحين ليهم عالمطار يمكن وصلوا وبيتكلموا مش سامعين

سلمي….طيب هشوف كده فضل

ايه…طيب انا كمان هخلي سلامه يشوف عشري اكيد ليله كلمتوا وهي في الطريق

سلمي….اوك يلا هبقي ارجعلك تاني

………..

مش دايماً بيكون عندنا حاسة سادسة عشان نحس إن في حاجة هتحصل أوقات بيكون السبب أبسط وأعمق من كده.

لما روحك تبقى متعلقة بحد ولما يبقى في بينكم رابط أكبر من الكلام والمسافات بتحس فجأة بضيق مالوش تفسير جوه صدرك خنقة تقبض القلب وقلق يتسلل لجواك من غير سبب واضح.

كأن روحك لقطت حاجة عقلك لسه ما عرفهاش و كأن قلبك بيستعد لوجع جاي في الطريق.

و يمكن ده اللي حصل مع اغلب ابطالنا حسوا بقلق مش عادي و لا طبيعي و بسرعه في منهم فسر عدم الرن او الموبايل المقفول بحاجه غلط زي ما حصل مع سلمي و زي ما حصل كمان مع اغلبهم

و نفس اللي حصل مع الكل حصل مع ايمي من غير تفسير كلمت نعيمه من اول ما صحيت كذا مره و سلمت علي اهلها و ليله جاتلها و كلمتها كذا مره و يمكن كامت عارفه ان ممكن عدم ردهم انشغال بالحدث اللي هما فيه سفر و شنط وطريق و زحمه

لكن كان جواها حاجه مخلياها مش علي بعضها هي عارفه ان ليله لو مشغوله والدنيا كلها فوق دماغها هترد و لو مردتش يبقي لازم يكون في سبب قوي نسيت ايمي انها كلمتهم كذا مره و شافت ليله و حست بخوف غريب كانها متعرفش عنهم حاجه بقالها يوم كامل

اتصلت عليهم اكتر من مره و اتصلت علي نجلاء و نسمه مفيش خالص يا جرس يا مشغول يا مقفول و من غير تفكير كتير اتصلت علي فضل تشوفوا وصلهم ولا لا في البدايه خافت يكون في مشكله معاه هو ونعيمه و ده سبب عدم ردهم لكن قالت يمكن لا واتصلت…

و الحقيقه ان صدمه فضل و توتره خلاه زي ما اداها لعشري في وشه اداها لايمي كمان في وشها نسي حملها وخطورته و ان القلق والتوتر مش كويس عشانها بس كان غصب عنه الانسان لما بيبقي في حالة عجز مبيفكرش