لقاء كارثي

الكل كانت دموعه نازله و الموقف كان صعب جدا البنات كلهم بيعيطوا و ايمي منهاره في صمت و حاضنه نعيمه وسلمي وايه و نادين متدمرين

حتي سليم دموعه كانت نازله و عمال يمسحها و ساكت

عدي……يا تقي يا تقي عشان خاطري
اهدي شويه نعيمه و سليم مش متحملين

تقي….مش قادره يا عدي انا قولتلك مخنوقه و مضايقه بس مكنتش اعرف ان ممكن حاجه زي دي تحصل هموت عليها كنا بنهزر و بنضحك والله كانت مبسوطه اوي

عدي….وهتخرج و هتبقي معانا وكلهم هيخرجوا والله و هنبقي مبسوطين بيهم بس عشان خاطري اهدي سليم ونعيمه مش متحملين

حست ليله بمغص خفيف في بطنها اتجاهلته بقي كل شويه بسيطه يزيد وهي عماله تتجاهله ..

دقايق بسيطه و خرج اتنين من الممرضات بيجروا عليهم الكل وقف و قلبه وقع بصتلهم نعيمه بصدمه و منطقتش كانت مبرقه و دموعها نازله و حاطه ايدها علي صدرها

احمد….خير يا بنتي في حاجه

الممرضه….احنا محتاجين متبرعين دم حالا الموجود في بنك الدم كيسين بس و احنا محتاجين خمسه للشاب اللي جوه

نعيمه…..تاااامر

عشري…..فصيله الدم ايه ؟

الممرضه…..-ab ودي فصيله نادره ولو في حد نفس الفصيله او لو في حد a- او b- او o- يجي معايا

رشيد….انا a+

حسان…وانا كمان

الممرضه….مش هينفع المتبرع لازم يكون –

ايمي…..انا b-

الممرضه…مش هينفع حضرتك حامل

بصوا كلهم لبعض في منهم اللي مكانش عارف فصيلته و منهم اللي فصيلته كانت + ومنهم اللي بيفتكر فصيلته كانت ايه و كل الكلام ده كان في ثواني معدوده

عشري……ايييييه محدش ـ خالص

نعيمه….بدموع نجيب من بره نعمل اي حاجه نلحق اخويا

رحاب….انا انا نفس فصيلته انا فاكره ان فصيلتي تقريباً زيه

الممرضه…..تقريباً ولا نفس فصيلته

رحاب….لا لا انا ab-

رهف…..بهدوء وهي دموعها نازله انا o-

ايه….اااه اه انا a- افتكرت

ليله……انتي لا

عسال…..هي تعبانه و بتاخد مضادات

ايه….انا كويسه هقدر

الممرضه…..للاسف لو تعبانه مش هينفع

رحاب…..طيب احنا الاتنين كفايه مش كده ؟

الممرضه….كويس حضراتكم بتعانوا من اي مرض مناعي او مزمن او مريتوا بظرف صحي من مده بسيطه عاملين عمليه او في انيميا

رحاب…..انا معنديش حاجه خالص كله تمام تقدري تاخدي الكميه اللي عيزاها

رهف…..انا كمان كويسه ؟

بصتلها الممرضه