لقاء كارثي
لقاء كارثي
بس ملقاش شاحن للموبايل رجعلهم تاني بسرعه و قرر يستني كده كده هو قال لسلامه مكان المستشفي
قرب بهدوء من ليله
تامر….ليله فيكي ايه انتي كويسه قولي حاجه انا عايز اطمن عشري والبنات و فضل كلهم هيتجننوا عليكم موبايلك فين با حبيتي
رفعت كتفها بهدوء بمعني معرفش
حط كفه علي راسها
تامر… طيب تعالي اقعدي شويه هناك انتي ونعيمه هي مش هترضي تيجي الا لو جيتي معاها
هزت راسها بلأ فضل واقف ساكت قرب من نعيمه نزل علي ركبه قدامها يهديها
تامر…..هيبقوا كويسين
نعيمه….بانهيار طاروا قدام عيني يا تامر العربيه اتدمرت
تامر…. بتأثر بس خير والله خير ادعيلهم
نعيمه….عشان خاطري شوف اي حد طمني قولي بس انهم عايشين مش مهم اي حاجه تانيه
طبطب علي كفها و قام وقف يبص حواليه مش عارف يعمل ايه كل ما يلمح ممرضه او دكتور يسألهم. يقولوا ميعرفوش والوقت حد يخرج يطمنهم
لمح تامر عسال و سلامه و مصطفي و نادين وايه وريهام و حنان جايين بيجروا كانوا اول حد يوصل
البنات اول ماشافوا ليله و نعيمه جزء كبير جواهم ارتاح
نعيمه اول ما شافتهم وقفت وانهارت قربت منها نادين وايه بسرعه
سلامه…حصل ايه حصل ايه ؟
نعيمه….امي وابويا واخواتي بيروحوا مني يا سلامه
نادين….بدموع لا لا بس بس ضمتها اوي
وقفت ايه تعيط و هي حاطه ايدها علي راسها قربت ريهام منها هي وحنان
ريهام…بتأثر متخافيش ادعيلهم والله هيبقوا كويسين
حنان…لا حول ولا قوه الا بالله خير والله خير يا بنتي شوفتوهم
نعيمه…بانهيار شوفتهم بعيني شوفت العربيه بتقع ومعرفتش اعمل حاجه
عسال….قرب منها نعيمه نعيمه اهدي و بصيلي هيبقوا بخير ماشي ادعيلهم و اهدي لحد ما نطمن عليهم
مسكت فيه بسرعه و مسكت في سلامه
نعيمه….عشان خاطري اعملوا حاجه والنبي محدش بيطمنني اعملوا حاجه
ضمها ميدو و هي انهارت في حضنه
سلامه…نعيمه بالله عليكي اهدي ان شاء الله هيبقوا كويسين والله خير ادام محدش خرج لحد الوقت يبقوا كويسين هما بقالهم قد ايه جوه ؟
تامر….انا جاي من شويه كان بقالهم دقايق واصلين يعني مكملوش نص ساعه
حنان…..يارب الطف بيهم يارب
تامر…..سلامه حد فيكم معلش يطمن الشباب موبايلي فصل و مش لاقي شحن
سلامه…ااااه اه عشري وفضل
ليله كانت واقفه في مكانها لا بصت ولا قربت منهم
قربت منها نادين و ايه
