لقاء كارثي

حطت ايدها علي عينها و مسحت دموعها و بعدين راحت معاهم علي جوه تاني

قربت منهم و وقفت قدام نعيمه كانت سانده في حضن ليله حطت كفها علي راس نعيمه

رفعت نعيمه عينها وبصت لايمي بضعف و نزلت دموعها تاني

ايمي…..بس بس كفايه اهدي هيبقوا بخير

نعيمه….قلبي واجعني يا ايمي

ايمي….عارفه بس هما هيبقوا كويسين و هيخرجوا جايز يبق يعندهم كسور او جروح بس انا عارفه انهم هيبقوا بخير اصلا محدش قال ان فيهم حاجه يعني اطمني

نعيمه…مش مهم اي حاجه انا راضيه كسور جروح عمليات اي حاجه بس المهم يبقوا بخير المهم اطلع بيهم من هنا كاملين

ايمي….هنطلع بيهم كاملين وبخير و هننسي خالص اللي حصل و هنرجع نكمل فرحتنا بالبنات و ليكي ان شاء الله و نسوم حبيبه قلبي هي كنان هنفرح بيها

نعيمه….بدموع مكانتش بتنطق يا ايمي كل حته فيها دم رايحه خالص وهما بيجروا بيها مش دريانه بالدنيا

ايمي…..بدموع دي حادثه يا نعيمه يعني طبيعي بس هي كويسه والله هتبقي كويسه كلهم هيبقوا بخير

ليله….بهمس تعالي اقعدي

ايمي…لا خليكي خليكي

ليله….تعالي مخنوقه مش قادره عايزه اشم هواء خليكي جنبها

ايمي….بصتلها بدموع انتي كويسه

ليله…بهدوء زي الفل متخافيش انا تمام هقف هنا جنبكم مش هبعد

هزت ايمي راسها وقعدت مكانها خدت نعيمه في حضنها و خرجت ليله بره الاستراحه عشري كانت ساند عالحيطه مع الشباب وكلهم واقفين مش بينطقوا عينه كانت عليها وهي بتخرج راح وراها بهدوء

راحت ليله وقفت قدام الباب تاني قرب منها باس راسها بوسه طووووويله

بصتلوا ليله بهدوء

عشري….قولي اي حاجه انا عارف انك مش كويسه بس انا مش عايزك تسكتي كده

ليله…..بوجع اقول ايه

عشري……اي حاجه يا ليله بس متسكتيش اتكلمي عيطي قولي حاجه

ليله….انا كويسه متقلقش

عشري….انتي مش كويسه و عارف ان اللي شوفتيه انتي ونعيمه صعب عارف انك كنتي لوحدك و انا ندمان اني مكنتش معاكي

ليله…انت ملكش ذنب

عشري…مكانش ينفع اسيبك

ليله…حتي لو كنت معايا كان هيحصل كده

عشري….بس عالاقل كنت هبقي معاكي في ظرف زي ده مكنتش سيبتك تتصرفي لوحدك لياه انا عايزك تتكلمي تعيطي تنهاري بس متسكتيش كده وحياتي اخر مره سكتي فيها تعبتي و انا مش عايزك تتعبي

ليله…. بابتسامه حزينه متقلقش انا بخير و مش وقت انهيار يا عشري اوقات حتي الانهيار مبيبقاش حقك تختاره رفاهيه الاختيار دي مش ديماً بنقدر نعملها بصت عالزجاج اللي في الباب عارف يا عشري كام مره في حياتي كان نفسي انهار ومعرفتش كام مره حسيت اني بجد هرتاح واعمل ده و مقدرتش