لقاء كارثي

ثواني وايه وقعت هي كمان ورجي عليها سلامه وتامر ومصطفي

امنيه بقت تصرخ وهي ماسكه بطنها

كان في حاله رعب حقيقه و كان في لعنه حلت عليهم واحد وراء التاني بينهار

وليد عمال يحط مايه علي وش اميمه ضغطها وطي بسرعه والسكر

عدي مش عارف يسكت تقي و كل واحد ملخوم في حد

ليله من وقت الحادثه وهي واقفة كأنها حجر لاول مره تكون عاجزه حتي عن مواساتهم كانت شايفه نفسها في حلم

لا دموع و لا صريخ و لا حتى انهيار

كانت بتحاول تفهم بتحاول تلاقي أي أمل يتعلقوا بيه.

الخوف كان بيأكلها من جوا لكن جسمها كان رافض ينهار.

كل اللي حواليها كانوا بيقعوا واحد ورا التاني وهي واقفة.

واقفة بس حتي لما الدكتور خرج و بدا يقول خاله نادر و نسمه و بعدها قال ان عادل ونجلاء اتوفوا كانت لسه ثابته جايز مصدومه مش مستوعبه عندها نفس الامل اللي كان عند نعيمه والكل ان اللي بيقولوا الدكتور مش صح ..

لحد ما سمعت صرخة صرخه نعيمه و هنا بدأت بجد تفوق و تنتبه و تحس باللي بيحصل حواليها وفيها !!

صرخة نعيمه ما كانتش صوت عادي دي كانت س*كينة شقت المكان كله.
وشقت قلبها هي كمان لفت تبص عليها لقتها واقعة على الأرض بتصرخ باسم أمها وأبوها صوتها خارج من حتة مكسورة في روحها

في اللحظة دي بالذات حست بحاجة جواها بتتهز مش قلبها ولا روحها دي كانت حاجة أعمق بكتير
حطت إيدها على بطنها بسرعه و كأن في حاجه جواها اتنفضت مع الصرخة بتاعت نعيمه حست ان في حاجه بتخرج منها وهنا ليله اتاكدت من الحاجه اللي كانت هتموت وتتاكد منها عرفت انها حامل و بتجهض صرخه نعيمه الحاجه الوحيده اللي هزت ليله و فوقتها

صرخه وصلت لطفل لسه ما شافش الدنيا بصت بعيون مصدومه و واسعه وهي حاسه بألم حاد بيمر أسفل بطنها ألم مفاجئ و قاسي
غريب حاولت تاخد نفس لكن نفسها اتقطع بصت بهدوء هليهم و بقت ترجع بضهرها كام خطوه عشان محدش يلاحظ و الحقيقه ان حقيقي محدش لاحظ الكل ملهي مع نعيمه و مع اللي عمالين يقعوا ويتعبوا مشيت بسرعه تدور علي حمام لحد ما لقت دخلت بسرعه قفلت عليها وهنا كانت الصدمه
اتجمد الدم في عروقها لما شافت بنطلونها بدأ يتحول من لون اوف وايت للون أحمر و بدأت تنزف
ساعتها بس فهمت.

فهمت إن كل الحزن اللي كانت حبساه جواها من ساعة الحادثه
وكل الرعب وكل الخوف اختار يخرج في اللحظة اللي سمعت فيها قلب نعيمه بيتكسر.