لقاء كارثي
لقاء كارثي
عشري…متيلش هم اي حاجه كله هيخلص احنا بس حابين نعرف شويه تفاصيل حتي عشان لما هنبلغ او نطتب اي حاجه الناس تبقي عارفه المعاد امته و صلاة الجنازه فين و الدفن كمان فين
حماده….والله يا ابني انا مش عارف بالظبط مكان المقابر عادل الله يرحمه كان عنده مقابر مع اهله من زمان بس هو اشتري مدفن جديد كان بيقول علي طرق الفيوم بس فين معرفش و حتي معرفش اي تفاصيل عن نجلاء
احمد….انا كمان كل اللي اعرفه ان المدفن الجديدعلي طريق الفيوم بس اكيد نعيمه عندها خلفيه و بصراحه انا مليش قلب اسألها
عشري…..بهدوء طيب انا هسألها كده براحه لان لازم نعرف
احمد….ماشي يا حبيبي شوف كده احنا هنروح بس ندفع الحساب و نرجع
عشري…تمام لو في حاجه انا معاكم
احمد…تسلم يا ابن الاصول
دخل شاب تاني خبط
حماده…..تعالي يا ابني
الشاب….بعتذر عن الازعاج بس الدكتور مستني لو حابين تشوفوا المتوفيين
حماده….بحزن بص لنعيمه
نعيمه….بدموع انا عايزه اشوفهم
الشاب….اتفضلي معايا
نعيمه….بخوف ليله تعالوا معايا والنبي متسيبونيش لوحدي
ليله….هاجي معاكي يلا قومي
ايمي…..تعالي يا نعيمه يلا
نجود…خليكي انتي يا ايمي
ايمي….مش هسيبها يلا يا نعيمه
قامت نعيمه بهدوء مسكها فضل
وراح معاها هي و ايمي وليله و سلمي كمان دخلت معاهم
نادين خافت و ايه كانت تعبانه ومحدش رضي يخليها تروح.
عشري و رشيد و حسان راحوا معاهم بس وقفوا بره مدخلوش
دخلت نعيمه في ايد فضل و ايمي وهي مرعوبه خطواتها كانت تقيله قلبها عمال يدق و دموعها مش مبطله نزول سلمي كانت ماشيه هي كمان بتعيط و ماسكه في ليله
فتح الشاب الباب كانت غرفه ثلاجات الموتي و في دكتور واقف جوه ومعاه المسؤول عن الغرفه
دخلوا بهدوء جسمها كان اسقع من الغرفه اللي دخلوا عليها
ليله….بهمس ايمي اخرجي عشان خاطري
هزت ايمي راسها بلا وهي دموعها نازله ومرضيتش تخرج
فضل…بهدوء صباح الخير يا دكتور
الدكتور…صباح الخير البقاء لله شدوا حيلكم احنا هنسيبكم دقايق براحتكم اي كدمات او حاجه تشوفوها ده من تاثير الحادث
فضل….تمام شكرا يا دكتور
خرج الدكتور بره و الشخص المسؤول عن الغرفه سحب سريرين فيهم عادل ونجلاء متغطين بملايه بيضا و بعدين راح وقف عند الباب بس من جوه
قربوا البنات منها وهما دموعهم نازله
