لقاء كارثي

فضل و سليم كانوا عاملين زي اللي متقيدين بجنازير حديد لا مبطلين يتصلوا عليهم كلهم و لا عارفين يتصلوا علي اي حد يلحقهم و يبقي معاهم قبل ما يطمنوا كان عندهم امل يردوا عشان ميقلقوش حد عالفاضي بس مقدروش و اتصل فضل اول حد بعشري.

في الوقت ده عشري كان يادوب لسه واصل هو وعمر و وليد في شبرا و قاعدين علي قهوه قريبه من البيت مستنين فرحات يجي رن فضل علي عشري فا رد بكل هدوء.

عشري…..هلا اخوي

فضل…..عشرررررري الحقني يا عشري كنت بتكلم مع ليله و نعيمه سمعت صريخهم يا عشري و فرمله عربيات و حد بيقول العربيه وقعت من فوق الكوبري

جمل و كلام غير مترتب صوت فضل اللي باين عليه الخوف و التوتر و الرعب كانت مجرد جمل كفيله توقف قلب عشري حرفياً صوته لوحده وهو بيقولوا الحقني يا عشري

هز كل جزء في كيانه و تلقائياً رد فعل لعقله خلاه وقف مره واحده وقع التربيزه باللي فيها و رجله خدته للعربيه بسرعه

لا عمر و لا وليد كانوا سامعين او فاهمين بس صدمه عشري و النفضه اللي اتنفضها كلاهم قالوا اكيد دي مصيبه جريوا وراه و خد عمر التليفون منه و بقي يحاول يفهم من فضل اللي مش عي بعضه و مش مجمع ولا عارف يقول حاجه واعصابه سايبه و بالعافيه فهم منه

و كان الكون كله سكت جوه قلب عشري و بقي اللي يتردد في ودنه كلمه العربيه اتقلبت من فوق الكوبري كلمه مش سهله و تأثيرها كان اصعب جايز فضل مكانش يقصد يرعب عشري بالشكل ده هو كمان كان عامل زي الغريق اللي بيحاول يستنجد بأي حد لكن مكانش يعرف انه غرق عشري و سحب روحه منه .

اما وليد فا هو كمان عقله وقف لحظه و مبقاش مستوعب القبضه اللي حصلت في قلبه كانت كفيله توقفه خالص كان عنده يحصل اي حاجه لكن ليله لا..

في نفس توقيت الحادثه تقي كانت عماله تتكلم هي ونسمه في الطريق و يضحكوا و يهزروا مع بعض و تقولها هتوحشيني و بتسلم عليها و فجأه سمعت صريخها و صريخهم كلهم و الخط اتقفل فجأه بقت هتتجنن عماله تتصل بيهم تاني موبايلاتهم اللي بيرن واللي مقفول تتصل علي ليله ونعيمه محدش بيرد لقت نفسها بتتصل بعدي بسرعه.

عدي….ايه يا قلبي

تقي….عدي نسمه فيها حاجه

عدي….فيها حاجه يعني ايه مالها

تقي…معرفش كنت بكلمها و سمعت صوتها بتصرخ و صوت نوجا و نادر و بعدين الخط قطع بتصل مقفول

عدي…..طيب كلمتي ليله هي المفروض بتوصل نعيمه