لقاء كارثي

وليد….ليله بتتكلم صح اميمه كمان لتزم تروح ترتاح شويه اصلا احنا عدد كبير هنا

اميمه….انا مش همشي واسيب نعيمه و البنات لوحدهم

ليله….احنا مش لوحدنا يا اميمه ارتاحي وارجعي

اميمه…..انا لا همشي ولا هرتاح مش هسيبكم مش هقدر

احمد….خلاص خلوها براحتها اصلا مش هينفع نمشي يا ليله

ليله….خلاص يبقي تهدي انا مش حمل تعب حد فيكم سمعتي

اميمه…انا كويسه يا ليله

ليله…باست راسها طيب متقوميش غير لما الضغط والسكر يظبطوا ماشي انا هشوف البنات وارجعلك

اميمه….روحي يا نور عيني متحمليش همي انا بخير

هزت راسها بهدوء وقامت قربت من ايه سلامه كان واقف جنبها وماسك ايدها وهي سانده راسها ودموعها نازله

ليله….عامله ايه الوقت يا أيه

سلامه…..انا حاسس ان حرارتها رجعت تاني يا ليله

قربت ليله ايدها من راسها

ليله….تقريباً دافيه شويه ايه حاسه بايه

بصتلها ايه و انهارت

ليله…بوجع ايه مش وقت كل ده خالص

ايه….انا حاسه اننا بنحلم يا ليله

ليله….بحزن ايه اسمعيني يا قلبي نعيمه محتجالنا و ده اكتر وقت هي محتجالنا فيه لا ينفع نتعب ولا ننهار بالشكل ده و لا نسيبها انتي اكيد مقدره اللي هي فيه صح

ايه…..قلبي واجعني عليها والله اوي

ليله…عارفه والله عارفه بس هي مينفعش تشوفنا كده هتنهار اكتر و هتقع مننا نعيمه لسه في صدمه لو استوعبت الكارثه اللي هي فيها والله يا ايه لو ملقتناش جنبها بنقويها هتقع مننا وانا مش هقدر اعمل ده من غيركم اديكي شايفه كلكم مرمين علي سراير و تعبانين ازاي اهدي و النبي عشان انتي كمان متتعبيش

سلامه…هي ملحقتش تفوق اصلا

ليله…..يويو مينفعش انتي وايمي و شويه وهلاقي نادين وسلمي كلكم تبقوا بالمنظر ده هنتلهي فيكم ولا فيها هي قومي والنبي وفوقي و اهدي عشان نقدر نقف معاها ماشي

ايه…..بدموع حاضر يا ليله

ليله…هي مركبه المحاليل دي ليه يا سلامه؟

سلامه…..بتوهان والله يا ليله ما عارف الدكتور قال كلام كتير مفهمتش ولا فيا دماغ بس هي تقريبا حصلها هبوط حاد بسبب الادويه كمان اللي بتاخدها

ليله….وكل ده مينفعش يا قلبي مع الانهيار ده هتتعبي اكتر

سلامه…قولتلها والله

ايه….هو بمزاجي يعني انتوا مش شايفين اللي حصل امها وابوها راحوا و اخواتها بين الحياه والموت

ليله…هيقموا و يبقوا كويسين هي نفسها لازم تقوي عشان اخواتها و احنا لازم نهون عليها ونقويها ما هي لما تشوفكم منهارين كده مش هتقدر تخرج من اللي هي فيه سمعتي