لقاء كارثي
لقاء كارثي
طبطبت عليه و لمحت عشري بيقرب و هو ماسك قلبه و باين عليه انه مش قادر حتي يمشي غمض عينه و خد نفس قوي كأن روحه رجعت و مبقاش قادر يمد رجله بتخونه حست ليله انه صوت النفس اللي خده ده دخل في قلبها
بعدت عن وليد قرب بهدوء و راحتلوا قرب وليد من نعيمه و هي قربت من عشري اللي وقف مكانش قادر يتحرك
قربت منه شدها لحضنه اوي وسند ضهره عالحيطه بيها و هي في حضنه حط كفوفه علي راسها وضغط راسها علي صدره جامد كأنه بيدخلها جوه قلبه ليله حست ان عشري قلبه هيخرج من كتر ما هو بيدق بعنف دق مش طبيعي
عشري….بهمس اسف اني سيبتك اسف اني مجيتش معاكي اسف وجعتي قلبي يا ليله وجعتي قلبي و موتيني
خدت ليله نفس طووويل و هي ماسكه في هدومه و منطقتش
بعدها عنه و حضن وشها بايده
عشري….فيكي حاجه ؟
هزت راسها بلا
عشري…العربيه مخبوطه فيكي ايه مسك قلبه تاني و مكانش قادر
ليله…اهدا انا بخير متقلقش العربيه اللي اتخبطت بس
عشري…..في داهيه في داهيه مش مهم اي حاجه مش مهم خالص المهم اني ماسكك بأيدي
ليله….اهدا يا عشري
رشيد….عشري فيك ايه انت كويس ؟
عشري….لا لا لا مش كويس مش كويس خالص
حسان….عشري ليله بخير اهدا مفيش حاجه هما كويسين اللي عمل الحادثه اهل نعيمه
عشري…..فيهم ايه طيب حد جراله حاجه ؟
رشيد…محدش يعرف لسه محدش خرج
كان واقف بيكلمهم ماسك قلبه و بايده التانيه حاضن ليله مش سايبها
عشري….خير خير
ساب ليله و باس كفها بقوه و مسكها في ايده و راح لنعيمه
عشري….بتعب واضح نعيمه يل قلب اخوكي متخافيش
نعيمه…بدموع امي وابويا و اخوايا يا عشري والنبي
ضمها عشري و طبطب عليها
عشري….متقلقيش بسيطه بسيطه والله هيخرجوا و هنطمن عليهم
سابها و طبطب علي كتف فضل و بعدين قرب من سليم بصلوا سليم بحزن و هز راسه
عشري…..ضموا عشري في حضنه و نزلت دموع سليم في الوقت ده هددددي هدددي بسيطه اجمد
سليم…بهمس نسمه يا عشري
عشري…هتبقي بخير والله العظيم هتبقي بخير الله غالب هيخرجوا كلهم بالسلامه
تامر….سليم نسمه هتبقي كويسه كلهم هيبقوا بخير والله متقلقش
مسح عدي دموعه وكان باصصله بحزن
عشري….خليك جنبه
هز عدي راسه و فضل واقف جنبه وتامر ..
لمحوا اتنين ممرضات خارجين من الباب بيجروا بسرعه
نعيمه…..في ايه اسالهم بسرعه مش قادره اقف
