لقاء كارثي
لقاء كارثي
نادين….بدموع ليله
شدتها من كتفها خلتها تبصلها و ضمتها وانهارت في حضنها كانت هتموت عليها ايه كمان حضنتها باست راسها وبصتلها
ايه….انتي كويسه؟
هزت ليله راسها عيطت ايه و ضمتها هي كمان طبطبت عليهم بهدوء و كانت ساكته
عسال قرب منها هو ومصطفي و حنان
حنان…ليله حبيبتي انتي كويسه يا ماما
عسال…ليله فيكي حاجه انا لمحت عربيتك بره مخبوطه جامد في ايه ؟
بصتلوا ليله بهدوء
مصطفي…..فيكي حاجه يا ليله تيجي تقعدي
هزت راسها بلأ و سكتت
نادين….بدموع انتي ساكته ليه قولي حاجه فيكي ايه العربيه مخبوطه جامد فضلت تبص علي جسمها و تلفها
عسال…..نادين سيبيها سيبيها هي بخير
قرب سلامه منهم
سلامه….ليله
ايه…بدموع ليله قولي حاجه عشان خاطرنا اوعي يكون فيكي حاجه او اتخبطتي و ساكته
حنان….مفيهاش يا حبايب قلبي متخافوش هي مخضوضه معلش سيبوها شويه
قرب سلامه منها طبطب علي راسها لقاها بتبصلوا بتوهان و حزن و ضعف
ضمها لصدره بهدوء
سلامه….اهدي يا ليله احنا كلنا معاكي متقلقيش ان شاء الله خير
بعدت عنه بهدوء و مسحت وشها بايدها الاتنين كأنها بتفوق نفسها بصت علي نعيمه كانت جنبها علي طول وريهام مسكاها هي و تامر و بيهدوها.
ليله….بصتلهم و بالاخص للبنات انا بخير بخير
قربت من نعيمه
نعيمه….. بدموع بصتلها قولي انهم مش هيروحوا مني يا ليله والنبي
قربت ليله منها و ضمتها اوي و باست راسها انهارت نعيمه في حضنها نادين وايه وريهام كانوا جنبهم بيطبطبوا علي ضهر نعيمه و بيعيطوا
حنان….يابنتي ادعيلهم متبشريش عليهم هيبقوا بخير والله
نعيمه….بعدت عن حضن ليله بخير ازاي العربيه وقعت من فوق الكوبري شوفتهم و معرفتش اعمل حاجه العربيه باظت خالص هما بقي حصل فيهم ايه
حنان… ربنا قادر علي كل شئ ادعيلهم يا نعيمه والله ربنا كريم و هيسمع منك اهدي عشان خاطرهم ادعي يا حبيبتي ادعي
نعيمه….بدموع يارب
حنان….ايوه كده ادعي متبطليش دعاء
عسال…..محصلش حاجه و هيبقوا كويسين اهدي انتي بس ممكن
قرب مصطفي بهدوء من ليله كان حزين علي اللي حاصل و زعلان عشان نعيمه و مضايق و حاسس بخنقه عشان ليله لانها ليها غلاوه خاصه عنده
مصطفي…بهدوء انتي كويسه؟
هزت راسها بهدوء
مصطفي…اجيبلك مايه
هزت راسها بلا وطبطبت علي كفه
ليله….لا
مصطفي… بابتسامه حزينه طبطب علي كفها هيبقوا بخير والله
