لقاء كارثي

عسال…نعيمه اهدي الوقت هنطمن والله

الموظف…معلش هستأذنكم تاني انا عارف ان الظرف مش احسن حاجه بس انا لازم اخد بيانات المرضي

علي….طيب طيب انا جاي معاك

تامر….نعيمه معاكي بطايقهم او الباسبورات

نعيمه….بدموع شاورت عالشنطه شوف هنا

تامر…..تمام

راح بسرعه مسك الشنطه و راح هو وعلي مع الموظف.

احمد….انا هروح معاهم عشان لو مش عارفين البيانات

حسان….استني جاي معاك بص لسلمي خليكي معاهم

هزت راسها بهدوء و فضلت واقفه جنبهم .

عدي حوالي خمس دقايق رجع تامر جري يسأل نعيمه.

تامر….نعيمه مين الخامس اللي راكب معاهم ده ؟

نعيمه….بدموع سواق الاوبر

تامر….طيب طيب تمام رجعت تاني بسرعه يكملوا باقي البيانات

دقايق بسيطه وخلصوا ورجعوا في الوقت ده وصل اخوات عشري و امينه و عشري الكبير و نجود و اخوات فضل كلهم كانوا داخلين يجروا و وراهم اخوات ليله اميمه قمر ازواجهم

طبعا الكل داخل مصدوم من فكره ان في عربيه وقعت من فوق الكوبري فا ملامح الكل ذهول و صدمه و خوف وقلق

جريوا علي جوه كلهم كانوا في استراحه واسعه جنب المكان اللي دخلوا فيه باهل نعيمه علي طول اميمه قلبها كان واقع من مكالمه وليد لا شايفه بعينها من الضغط و سكرها عالي ولا قادره تقف و قمر داخله بتترعش بمجرد ما شافوها كانوا منهارين خدوها في حضنهم بقت عماله تطبطب عليهم و تهديهم

نجود قربت من نعيمه انهارت في حضنها انهيار مش طبيعي بتق تعيط و تصرخ في حضنها و نجود تضمها اوي

قربت امينه من ليله و ضمتها

امينه…..الحمد لله يارب الحمد لله

نعيمه….امي واخواتي وابويا يا جوجو والنبي بيروحوا مني جوه
اعملوا حاجه والنبي

عشري الكبير…اهدي يا بتي ما عليهم شر ان شاء الله خير خير ادعيلهم ربنا ينجيهم

نجود….بدموع شوفتيهم طيب

نعيمه…..بدموع مشوفتش حد غير نسمه كانت سايحه في دمها ومش بتنطق هما مشوفتهمش دخلوا بيهم علي طول

امينه…بحزن يارب الطف بيها وبيهم كلهم يارب

عشري الكبير….لا حول ولا قوه الا بالله سترك يارب

من بدايه ما تامر عرف مكانهم و كل الاحداث دي كانت سريعه حوالي 40 دقيقه بالظبط كلهم كانوا بيوصلوا وراء بعض اغلبهم خرج بالعربيات من وقت ما عرفوا و كانوا باتجاه طريق المطار لحد ما يعرفوا هما فين بالظبط فكانوا بيوصلوا وراء بعض من بعد ما عرفوا ابعد حد فيهم كان عشري و وليد و عمر بسبب الزحمه و الطريق اللي مش بيتحرك