لقاء كارثي
لقاء كارثي
عمر….وفين السواق ده محدش مسكه؟
نعيمه….بدموع معرفش بس هو شكله مات بهدوء كنت بتكلم مع فضل انا وليله و فجأه جات عربيه نقل خبطتنا احنا اول ناس و بعدين هما فضلت تعيط كملت ليله بهدوء وهي عينها ثابته عالارض و واخده في حضنها نعيمه ..
ليله…لمحت في المرايا عربيه نقل جايه طايره من جنبي حاولت اخد يمين علي قد ما اقدر قبل ما تخبطنا بس معرفتش كان يميني في عربيات لو حدفت عليهم هخبطهم خدت يمين بسيط كان هو جه و خبطنا جامد الخبطه جات في الباب وراء مسكت الدركسيون جامد ملحقتش افوق انا وهي من الصدمه و الخضه طار من جنبنا و فجأه خبط العربيه اللي هما فيها وقعهم و هو فرمل جامد العربيه وقعت عالكوبري و زحفت كتير خد في طريقه كذا عربيه و بس انا معرفش هو مات او اتصاب مكانش في تركيز كنت عايزه انزل من الكوبري بسرعه واروحلهم
اميمه….بدموع يعني خبطكم انتوا كمان وخبط غيركم حسبي الله و نعم الوكيل يارب الطف بالجميع يارب
حماده….لا حول ولا قوه الا بالله ازاي يجي بالسرعه دي شارب و لا الفرامل فكت منه ولا ايه حكايته
بصلها عشري بحزن و قرب منها حط ايده علي راسها تخيل الخضه و الرعب اللي هما كانوا فيه كان هيتجنن عليها
ليله….بهدوء مش مهم مش مهم اي حاجه المهم انهم يخرجوا و يبقوا كويسين
عشري الكبير…..ان شاء الله يخرجوا و نطمن عليهم و الحمد لله انكم بخير
بقوا عمالين يتكلموا يهمسوا رايحين جايين الشباب و ليله و نعيمه و البنات ساكتين ليله وخداها في حضنها و ايمي و نادين وايه وسلمي جنبهم و الاربعه مشاركينهم الصدمه و باقي البنات حواليهم باصين عليهم وساكتين حتي الشبب سندوا علي الحيطه و بقوا باصين عليهم
نعيمه رفعت وشها و بصت لليله و اتكلمت بهمس ..
نعيمه…بدموع هيبقوا كويسين صح
بصتلها ليله و ابتسمت ابتسامه كلها حزن وضعف
ليله….هيبقوا زي الفل
نعيمه…بدموع يعني هيخرجوا معايا يا ليله
ليله….مسكت كفها و ابتسمت تاني هيخرجوا يا قلبي ان شاء الله
ابتسمت نعيمه من وسط دموعها و كملت همسها المسموع
نعيمه….ايوه هيخرجوا اصلا لو كان في حاجه كانوا قالوا دول بقالهم ساعه ونص جوه مش صح يعني لو كان بعد الشر حد فيهم جراله حاجه كنا عرفنا
ليله…بابتسامه صح انتي صح ؟
ليله كانت بترد عليها و عينها علي صحابها الاربعه مقتولين عياط علي كلام نعيمه و أسالتها ايمي و نادين و ايه وسلمي كله كان ساكت بس منهار مش عارفين يعملوا حاجه معندهمش كلام يهدوها بيه مقطعه قلبهم حاسين انها بتقول كلام مش مقتنعه بيه بس بتحاول تصبر نفسها
