لقاء كارثي

و الغريبه ان ليله حرفيا مكانتش بتنطق كل اللي هاممها متسيبش نعيمه من ايدها العربيات بتاعت الاسعاف بقت تطلع مسطت نعيمه في ايدها بسرعه و جريت بيها علي عربيتها تاني و طلعوا وراء العربيه

و في شباب طلعوا وراهم كانوا بيساعدوا الاسعاف و منهم واحد لم كل متعلقاتهم من العربيه لما تعدلت شاب باين عليه انه جدع طلع وراهم بسرعه هو كمان عشان يسلمهم الحاجه..

نعيمه…..بصريخ امي و ابويا و اخواتي يا ليله اعملي حاجه يا ليله والنبي يارب لاااااا يارب والنبي لا يارب لا

ليله كانت بتجري وراء الاسعاف و مسكاها و مش عارفه هما رايحين فين ولا في اي حاجه في دماغها لاول مره تفقد السيطره علي عقلها لدرجه انها تنسي ان في اشخاص في حياتها تستنجد بيهم الغفله و فواجع الاقدار كفيله توقف عقل البني ادم و تحطه في صدمه قويه الشخص في الوقت ده بيبقي محتاج حاجه تفوقه عشان يرجع لطبيعته و يقدر يتمالك اعصابه و يسيطر جايز هي كان في جزء بسيط مسيطر و هو انها تمشي و تكمل و في نفس الوقت تمسك نعيمه اللي في حاله متتوصفش كانت خايفه من الهستيريا اللي هي فيها تفتح الباب و العربيه ماشيه

ويمكن لو كانت ليله في وعيها و شخصيه ليله المعروفه بجد كانت ق*تلت بايدها السواق لكن هي حتي مفكرتش فيه ولا ركزت معاه و من اول ما خبطها وهي في صدمه لكن صدمتها كملت اكتر وهي شايفه العربيه طايره قدامها فكانت حالتها مش كويسه خالص .

…………….

سلمي كانت بتلبس هي و حسان عشان يروحوا يطمنوا علي ايه و كانت عماله تتصل بنعيمه عشان تشوفهم وصلوا ولا قربوا و تطمن عليها مكانتش بترد ولا حتي ليله كان عمال يديها مره مشغول ومره جرس طبعا كل اللي عرف ان في حاجه عمال يحاول يتصل فا قلقت اتصلت علي نسمه قالت تسلم عليها و عليهم و تشوف هما فين و تقولها خلي نعيمه تبقي تكلمني قبل ما الطياره تطلع..

بس موبايلها مقفول موبايل نجلاء موبايل نادر موبايل عادل اتصلت علي ايه

ايه…..ايه يا لومي

سلمي…ايه يا قلبي بقولك ايه ليله او نعيمه كلموكي او كلمتيهم

ايه…..لا في حاجه ؟

سلمي….مفيش بس بتصل كتير اوي مره يديني مشغول ومره جرس و نسمه و نوجا ونادر و دولا كله مقفول

ايه….يمكن شبكه

سلمي….طيب و ليله ونعيمه شوره مشغول و شويه و جرس انا حاسه ان في مشكله