لقاء كارثي

نعيمه….خايفه مقدرش انا موجوعه والله

سليم…هتقدري بمجرد ما تطمنب عليها و تحسي انها محتجالك هتنسي وجعك وهيبقي اهم حاجه عندك تطمنيها هي ونادر لو بجد بتحبيهم اقوي عشانهم

نعيمه ….بابتسامه نسمه بتحبك اوي يا سليم عارف الصبح كانت بتفرجني المصاحف والاذكار عملنهم باسمنا كلنا صدقه جاريه عشان تحطهم في الحرم لقتها عملالك انت وهي بس مصاحف قالت عشان الوزن كنت بضحك معاها بقولها اسمعني بس سيليم يا ست نسمه ضحكت وقالتلي هو نفسه يروح مع امونه و انكل عشري و انا هودي المصحف عشان قريب ربنا يخليه يروح و متزعليش لما نوصل هناك هشتري مصحف بفلوسي ليكي غير التذكار ضحكت وقولتها ماشي مش زعلانه خلاص بتحبك بجد

سليم…..بأبتسامه حزينه و صوت مخنوق بالدموع وانا بحبها اوي بس مكتتش اعرف اني بحبها اوي كده يا نعيمه

طبطب فضل علي كتفه و قربت نعيمه منه ضمته وفضلت تعيط و هو دموعه نزلت بهدوء

وتقي عيطت معاهم البنات كانوا حواليهم بيسمعوهم و دموعهم نازله

فضل….ولا ولا اجمد بتقويها انت ولا بتسوي كيفها اسمعوني نسمه ونادر هيطيبوا و قريب هيكونوا وسطنا

نعيمه….يارب يارب

الوقت كان عمال يجري خلص عشري واحمد وعمر وعلي تصاريح الدفن كلها و ختموا كل الورق من الصحه و كان فاضل بس ورق هيتختم الصبح عشان مفيش حد موجود ورجعوا تاني معاهم

الساعات كانت متعبه جدا علي الكل

نعيمه كانت تسكت تسكت وتقوم مره واحده تنادي علي امها وابوها و ترجع تسكت ويهدوها تقوم تنادي علي ليله و تغمض تنادي علي فضل و تغمض تنادي علي ايمي و تغمض

حالتها كانت صعبه و كلهم معاها موجوعين رحاب طول الوقت كانت بتراقب ليله و خايفه عليها

وليله متحمله فوق طاقتها النزيف والالم و بتدعي الساعات تعدي بسرعه وشها كان شاحب و متلجه و محدش عارف هي فيها ايه الا رحاب

وليد وعدي و تامر و حودا راحوا المدفن جهزوا و علقوا صوان و حطوا كراسي عشان الشمس محدش يتعب جهز وليد كراتين مايه كتير

وكان رايح جاي هو والشباب معاه محدش سايبه.. وبعدين رجع تاني علي المستشفي كان النهار طلع

فضلوا قاعدين شويه لحد الساعه تسعه الصبح وجه وقت الغُسل و كانت اصعب مرحله في اليوم كله

و للحديث بقيه……