لقاء كارثي
لقاء كارثي
في اللحظه دي وصل حماده و زوزو و امنيه و محمود و احمد و نغم كانوا داخلين يجروا و حماده مش قادر يمشي هو و احمد كانوا مصدومين..
حماده….بخضه فظيعه ايه ايه يا ولاد طمنوني والنبي
اول ما نعيمه شافتهم انهارت حرفياً
نعيمه….بابا يا حماده بابا والنبي ابويا وامي واخواتي هيروحوا مني يا حماده
حماده بصدمه وحزن ضمها من غير ولا كلمه نظره عينه كان فيها صدمه مبرق و عمال يضم فيها و يطبطب عليها
حط احمد ايده الاتنين علي راسه و هو مش عارف ينطق
ماريز….بدموع هما فين حصلهم ايه و الدكاتره قالوا ايه؟
محمود…ليله فيكم ايه عربيتك مخبوطه ؟
ليله….بهمس بخير متقلقش
سلامه….مفيش مفيش هما كويسين
ماريز…طب نجلاء والعيال و عادل حد يقول حاجه طمنوني يا ولاد
حنان….جوه لسه محدش خرج ولا طمننا
نعيمه….بدموع اعملوا حاجه والنبي يا زوزو والله هموت لو حد فيهم جراله حاجه
ماريز…بدموع خدتها في حضنها بعد الشر بعد الشر
قرب احمد من نعيمه طبطب علي راسها رفعت وشها وبصتلوا
نعيمه……انا السبب انا اللي خليتهم يسافروا
احمد….لا لا لا اوعي تقولي كده ده نصيب يا نعيمه نصيب
حماده….متقوليش كده يا نعيمه اهدي يا بنتي اهدي ضمها و طبطب عليها
قربت زوزو من ليله خدتها في حضنها
ماريز….الحمد لله الحمد لله يارب انكم بخير يارب طمننا علي نجلاء و العيال و عادل يارب ما توجعنا في اي حد
بعدتها عن حضنها و فضلت تمسح في وشها و ترجع شعرها و رجعت ضمتها تاني
نغم وقفت تبصلهم بحزن فظيع عماله تطبطب علي نعيمه و مش عارفه تقول حاجه دموعها نازله بهدوء مع البنات
……..
الطريق من شبرا لمصر الجديده كان زحمه بطريقه بشعه اشارات مرور و عربيات وزحمه ناس عشري كان هيتجنن و عمال يخبط عالدركسيون بعنف سلامه طمنه انهم بخير بس مكانش مصدق كان عايز يشوفها بعينه
في الوقت ده وصل حسان وسلمي و كان وراهم رشيد و ايمي
لحقوهم عالطريق رشيد كان طاير وراهم و هما داخلين قابلوا عدي و علي
علي……رشيييييد
قربوا منه بسرعه
رشيد….علي
علي….ايه عرفتوا حاجه
حسان…احنا لسه واصلين حالا ربنا يستر
علي….خير يارب خير
دخلوا جري علي جوه ايمي كانت ساكته مصدومه هي وسلمي ملامحهم باين عليها الخوف مسكاها سلمي من كفها و رشيد جنبهم عمال يمد ويبصلها
عدي جري عالريسيبشن هو وعلي و حسان
