لقاء كارثي
لقاء كارثي
عشري……طيب اهدي والنبي اهدي نعيمه لو جرالك حاجه عارفه هتوجعي كام قلب عارفه ان اخواتك من غيرك هيضيعوا بجد
نعيمه…طيب كنا عملنا العمره وماتوا هناك
عشري…..ربنا مبيعملش حاجه وحشه يا نعيمه لو كان ده حصل وانتي لوحدك وبعيده عننا كنتي هتروحي فيها مكنتيش هتقدري تتصرفي كنتي هتتوهي بينهم وبين اخواتك كانوا هيتبهدلوا يا حبييتي ربنا عمل كده عشانك علي فكره عشان نبقي معاكي وجنبك
رشيد….ادعيلهم يا نوني ادعيليهم يا حبيبتي انا عارف والله ان كل ده مع الوقت هيهدأ حقك تتعبي بالشكل ده بس والله هترتاحي
نعيمه…سابوني لوحدي يا رشيد طيب كان فضل نادر كويس عشان يقدر يشيل عني
رشيد…انتي مش لوحدك يا نعيمه
حسان…. نعيمه احنا معاكي وجنبك يا حبيبتي مش هنسيبك احنا اخواتك يا ماما كلنا هنا عشانك وعشانهم اللي نادر كان هيعملوا هنعملوا احنا وزياده ندعيلوا بس يقوم بالسلامه و يطمن قلبك وقلبنا عليه هو ونسمع
نعيمه…..مش هيسيبوني والنبي صح
حسان….مش هيسيبوكي يا نعيمه هيبقوا بخير والله
عشري…..هيعدوا مرحله الخطر و هيفوقوا و يبقوا زي الفل المهم لما يفوقوا يلاقوكي جنبهم عشان والله يا نعيمه ما حد فينا هيقدر يقويهم غيرك فوقي يا قلبي عشانهم و اجمدي واحنا جنبك وفضل معاكي كلنا هنا يا نعيمه يلا تعالي نخرج من هنا
خدوهم الشباب و مشيوا لحد الاوضه تاني اللي كلهم فيها
اول ما دخلت قربت منها اميمه بسرعه وخدتها في حضنها
نعيمه…بانهيار خلاص يا اميمه راحوا وسابوني امي سابتني وهونت عليها يا اميمه
اميمه…بدموع بس يا نور عيني بس يا ضنايا
نعيمه….قلبي واجعني عليهم امي بتضحك والله يا اميمه
اميمه…..ادعيلها يا حبيبتي ادعيلها دي هي كده بطمنك انها مبسوطه بخير
نعيمه….بس انا مش بخيرررررر
فضلت نجود تمسح علي شعرها و امينه تحط مايه علي ايدها و يغسلوا وشها و ماريز منهاره و واخده ايمي في حضنها منهاره هي كمان
الوضع كان صعب و مؤلم بشكل فظيع
قريت رحاب من ليله بهدوء
رحاب….بهمس انتي كويسه
ليله……مسحت دموعها بهدوء تمام
رحاب…طيب انا جيبتلك باد و عيزاكي لحظه عشان اقولك عملت ايه
ليله…طيب تمام تعالي
عشري…..لمحها وهي ماشيه مع رحاب ليله رايحه فين
ليله….هروح اغسل وشي في التويلت وهرجع
رحاب…متقلقش انا معاها
