لقاء كارثي

عدي….لو سمحت في حادثه حصلت علي الكوبري

الموظف….اخر الطرقه شمال في يمين هما في العمليات جنب الاستراحه

حسان….شكراً

جريوا كلهم علي هناك بسرعه

الكل كان رايح و فاكر ان ليله و نعيمه اللي حصل فيهم كده من كلام فضل فا بمجرد ما كانوا يشوفوهم كانوا بيرتاحواو راحتهم مش معناها انهم مش زعلانين علي الباقي بس لما تبقي عارف ان في احتمال ان حد معين يكون في خطر و تشوفوا قدامكم العقل بيطمن بسرعه و يهدأ

وده اللي كان بيحصل معاهم كلهم

لمحوهم بيجروا عليهم من بعيد

جريت ايمي عليهم

نعيمه….يا ايميييييي

شدتهم ابمي في حضنها هما الاتنين و كأن روحها رجعت اول ما شافتهم

نعيمه بقت منهاره في حضنها دموع ايمي كانت نازله بهدوء غمضت عينها براحه و حطت كفها علي راس ليله و ضغطت عليها اوي

سلمي….. بدموع حصل ايه هما فين ؟

نعيمه…..بدموع جوه لسه محدش خرج اعملوا حاجه والنبي قوليلهم انك دكتوره يا سلمي شوفي حد والنبي

ضمتها سلمي وهي بتعيط

سلمي…طيب اهدي اهدي

قرب علي من ليله ضمها

عدي….فيكي حاجه

علي…..انتي كويسه

ليله…بخير

حسان…… نعيمه اهدي يا حبيبتي والله هيبقوا بخير الوقت نطمن عليهم

نعيمه…محددددش بيطمني محدش بيخرج

رشيد….هما بقالهم قد ايه جوه

سلامه…يعني نص ساعه او اكتر شويه

ايمي…بهمس بصت لليله فيكي ايه يا قلبي كنت هموت يا ليله عليكم

ليله….بهدوء احنا بخير يا ابمي متخافيش

ايمي….طيب حصل ايه و حصل ازاي

ليله…مش وقته يا ايمي مش قادره

ايمي…..بدموع فضلت تحسس علي شعرها طيب خلاص خلاص متتكلميش اهدي

قرب رشيد منهم

رشيد….ليله حبيبتي انتي كويسه؟

ليله…بخير يا رشيد بخير

قربت منهم ممرضه و موظف استقبال

الموظف….بعد اذنكم انا عايز حد يجي بديني بيانات المرضي

الممرضه…ومعلش يعني الاستراحه هنا ممكن نقعد فيها بس عشان الزحمه

نعيمه…..طيب طمنوني والنبي قولوا حاجه

علي….طيب احنا حابين نطمن بس عليهم

الممرضه….لما حد يخرج اكيد هيطمنكم احنا منعرفش حاجه والله
ياريت بس حد يروح معاه يديه البيانات

نعيمه…..بغضب و عصبيه وانهيار يعني ايه محدش يعرف نسأل مين طيب انتي مش شغاله في المكان محدش بيخرج

الممرضه…..يا افندم والله انا شغاله مع حالات بره لكن كل اللي في الطوارئ جوه مع الدكاتره و اطمني ادام لسه محدش خرج يبقي خير بس هما لازم يعملوا كل الاسعافات الاوليه و بيجهزوا للعمليات واكيد محدش فاضي بس الوقت يطمنوكم