لقاء كارثي

حماده….سيدنا يعقوب بكى على يوسف لحد ما عينيه ابيضت من الحزن ومع ذلك ربنا وصفه بالصبر الجميل الحزن مش ذنب يا بنتي والدموع مش ذنب والصدمة مش ذنب.
مسك ايدها بين ايده

الرضا مش معناه إنك ما تتوجعيش يا نعيمه الرضا معناه إنك وسط الوجع كله ما تتهميش ربنا في رحمته،وما تشكيش في حكمته حتى لو قلبك مش قادر يفهم

وإنتي الوقت مصدومة اللي حصل أكبر من إن عقل يستوعبه في ساعة ولا يوم.

متطلبيش من نفسك النهارده تكوني قوية ولا متماسكة ولا بكره ولا بعد سنين خدي حقك في البكا والحزن وربنا أرحم بيكي من نفسك.

اسمعيني كل ما يضيق صدرك قولي يا رب أنا موجوعة بس راضية يا رب أنا ضعيفة قويني يا رب أنا مش فاهمة لكني واثقة فيك وربنا يعلم ما في القلوب

وأبوكي وأمك أكتر حاجة تفرحهم دلوقتي إنك ما تكسريش نفسك بالذنب لا تشيلي فوق قلبك مصيبة الفقد و مصيبة لوم النفس مع بعض كفاية اللي إنتي شيلاه

ربنا مش بيحاسبك على الدموع اللي بتنزل من عينك ولا على الصدمة اللي مخلياكي مش مستوعبة ربنا ينظر للقلب وأنا شايف قدامي بنت قلبها مليان حب لأبوها وأمها وخايفة حتى حزنها عليهم يضرهم.

ودي مش علامة عدم رضا يا نعيمة.. دي علامة بنت بتحب أهلها حب كبير

واحدة واحدة يا بنتي النهارده استيعابك مش مطلوب النهارده المطلوب بس إنك تدعي ليهم وتستندي على اللي بيحبوكي لحد ما ربنا يربط على قلبك

طبطب علي كفها و هي فضلت تعيط في حضن ايمي..

سلمي كانت منهاره و كاتمه عياطها بصلها حسان بحزن وخدها في حضنه فضلت تعيط بصمت

حسان…بهمس بس يا حبيبي اهدي يا قلبي اهدي خليها تهدأ هي تعبانه والله محتجالنا كلنا اهدي عشان ابوكي هيتجنن و عشان ايه تعبانه اهدي يا روحي

فضل يطبطب عليها ويهديها…

قربت رحاب بهدوء من ليله

رحاب…بهمس ليله انتي كويسه ؟

ليله….بخير يا رحاب متقلقيش انا بس محتاجه مسكن قوي شويه المسكن اللي خدته ضعيف و مش عامل حاجه

رحاب….بهمس طيب روحي اقعدي و انا هخرج الوقت اشوف اي ممرضه و هسالها لو في حقنه قويه و هجيبلك كمان باد من بره

ليله…..بهمس اه ياريت عشان انا محتاجه اغير

رحاب…..انتي حاسه ان في دم كتير

ليله…متقلقيش يارحاب انا بس عايزه اغير اول باول عشان متبهدلش تاني

رحاب…ايوه بس لو الدم كتير ده يبقي نزيف يا ليله انتي كنتي غرقانه