لقاء كارثي

ليله….لا متقلقيش خف والله بس انا بعمل حسابي مش اكتر

رحاب….طيب انا هروح هعمل نفسي بتكلم في الموبايل و هرجعلك

ليله…..تمام

…………….

فضلوا قاعدين بقي في همس في اصوات حد بيتكلم مع حد بيعيط وبيحاول يواسيه في حد بيدعي في اللي واخد جنب و بيقرأ قران.

عمر….لسه في وقت طويل خدوا بعضكم مع السواق وارجعوا و هعرفك هنعمل ايه

ساره….انا مش عايزه اسيب ليله يا عمر و لا نعيمه مينفعش

عمر…ياستي ارجعي تاني الصبح

سليمان….روحوا يلا مع السواق عشان تطمنوا علي العيال كمان و اكيد هتغيروا اللبس تعالوا قبل الدفن

ساره….طيب هما هيتدفنوا امته يعني بعد الفجر ولا الضهر

عمر…لا طبعا اكيد الضهر بيتهيألي لسه في ناس المفروض تعرف عشان تيجي اكيد نعيمه هتعرف حد من اهلها معارفها استني اسال محمد

سليمان…محمد تعال

قرب منهم عشري بهدوء

عشري…..نعم

عمر…..بقولك ايه هو الدفن امته يعني بعد الفجر ولا بعد الضهر

عشري….لا اكيد بعد الضهر لسه في تصاريح ولسه في غسل و حجات كتير المفروض تتعمل

عمر…اهو شوفتوا بقولكم

عشري….في حاجه ولا ايه

عمر….بنقولهم يرجعوا مع السواق يرتاحوا يطمنوا عي العيال يغيروا وبعدين يجي لسه قدامنا وقت طويل و قعدتهم هنا مش هتعمل حاجه

عشري….اه روحوا خدوا بعض يا ساره وامشوا مفيش حاجه تتعمل هنا الوقت ارتاحوا شويه لسه الوقت طويل

ساره….بصراحه مش قادره امشي واسيبهم هنا اصلا الولاد ناموا اطمنت عليهم من الناني كلهم نايمين و كويسين مش قادره تسيب ليله ونعيمه والبنات صراحه كلهم حالتهم مش حلوه

ملك….خلونا معاهم شويه طيب

عشري….لو في حاجه تعملوها هقولكم خليكم بس بجد مفيش شوفوا اللي وراكم وارجعوا يعني حابين تيجوا علي هنا تعالوا حابين تروحوا علي مكان الصلاه تعالوا

سليمان…هما هيصلوا فين و العزاء النهارده ولا امته

عشري…والله يا سليمان ما اعرف لسه ما حكيتا اديك شايف حالتهم

عمر….طيب انتوا لازم تعرفوا الاول مكان الصلاه و لازم نشوف التصريحات

عشري…كله هيخلص متقلقش بقولكم ايه روحوا انتوا كمان معاهم وابقوا ردوا بعد شوي

عمر…انا مش هسيبك انت وفضل وسليم طبعاً احنا معاكم هنا بقي يشوفوا حابين يفضلوا خليهم عايزين يرجعوا براحتهم

عشري…..ليله ليله

بصت ليله بتوهان لعشري وقربت منهم