لقاء كارثي

عشري…..بحزن والله عارف و كلنا حاسين بيكي بس انتي مستوعبه يا نعيمه ان اللي بتعمليه في نفسك ده هيتعبك مستوعبه ان اخواتك لما يفوقوا هيبقي محتاجين نعيمه القويه

نعيمه…..وانا مش قويه والله انا هقولهم ايه دول لو عرفوا هيموتوا مني طيب كان كفايه حد فيهم بس يروح ليه الاتنين يارب ليه

حنان…بدموع لا يا قلبي لا اوعي تقولي كده مينفعش نعترض و بعدين احنا حاسين بيكي والله حقك تعيطي و تصرخي وتنهاري كمان بس صدقيني جايز اوي يكون ده رحمه ليهم افرضي يا نعيمه كانوا عاشوا و فضلوا تعبانين او فيهم حاجه مش قادرين يتحملوها كنتي هتقدري تشوفيهم كده موجعين مش جايز يا بنتي ربنا رحمهم

نعيمه……ياريتهم فضلوا حتي لو تعبانين او في حاجه مش هتتصلح العمر كله بس يفضلوا جنبي اهون بكتير من الوجع اللي جوايا ده

ليله….بنظره حزن مكنتيش هتتحملي وجعهم يا نعيمه بيتهيألم والله ربنا اختارلهم الصح و اكيد هو عايزهم لازم نكون راضين

نعيمه….بدموع و انهيار وانا مش رااااضيه و الله ما قادره اكون راضيه او متقبله ده اختبار كبير اوي انا مش قده

عشري…نعيمه متقوليش كده حرام و لو انتي مش قده ربنا عمره ما هيديكي فوق طاقتك

نعيمه….ده اكتر من طاقتي يا عشري
ولو في خاجه حام بجد يبقي الاختبار اللي اتحطيت فيه امي وابويا مره واحده طب ازاي طيب انت متخيل ان ممكن اسمع خبر اخواتي كمان

عشري…بعد الشر متقوليش كده

امينه….هيخفوا و ربنا هيكمل شفاهم علي خير و هينوروا حياتك من تاني وهتهونوا علي بعضكم صدقيني بس انتي الكبيره يا نعيمه لازم يا بتي تصلبي طولك عاشنهم

نادين كانت منهاره بجد

ليله…..نادين روحي شوفي البنات انتي

نادين بدموع هزت راسها وقامت بهدوء

قعدت ليله جنبها و خدتها في حضنها

قربت خديچه منها و معاها زجاجه مايه

خديچه….نعيمه خدي شربي حبيبتي

نعيمه مسكت الزجاجه وحطتها علي صدرها كانت حاسه ان في بجد نار جواها و عايزه حاجه سقعه تطفي النار دي او تهديها

غمضت عينها في حضن ليله

نعيمه…ااااه انا عايزه تلج يا ليله في حاجه جوه سخنه اوي

ليله….غمضت عينها و ضمتها اوي و نزلت دمعه سريعه من عينها و بعدين باستها من راسها حاضر هجيبلك

نجود…بهمس يا قلبي هي حاسه ان السقعه دي هتخفف الوجع

امينه….بحزن واعره وارعه يا نجود الله يصبرها و يخفف علي قلبها