لقاء كارثي

عشري….مش يمكن عشان انتي ديماً بتعملي حساب لغيرك اكتر من اللازم و بتنسي نفسك اوقات يا ليله مش مطلوب منك الا انك تعيطي و تخرجي اللي جواكي وبس

ليله…..بصتلوا بهدوء يمكن بس ده بيكون متاح في مواقف بسيطه ممكن تعدي بس انا ولا مره يا عشري حصل معايا موقف قوي وقدرت انهار فيه بجد ..

وغيري اللي بتقول عليه بعمل حساب ليه اكتر من اللازم ده هو حته مني يعني لازم اعمل حسابه

عشري…انتي مش فهماني يا ليله انا عارف غلاوتهم عندك وعارف انك بتعملي حسابهم وهما بيعملوا حسابك بس انتي مش مطلوب منك الا انك تعملي زيهم عيطي خرجي اللي جواكي خدي بالك انا دموعك بتق*تلني يا ليله بس لو دي هتريحك عادي عايز اشوفها

ليله….بصتلوا بحزن وهزت راسها مش وقتها يا عشري صدقني مش وقتها الوجع اللي جوايا اكبر بكتير من شويه دموع و انا لو سيبت نفسي عشان اخرج اللي جوايا كلهم هينهاروا اكتر اديك شايف حالة نعيمه ربنا يكون في عونها و يريح قلبها اللي انا حاسه بيه كويس اوي

ايمي كمان مينفعش اصلا تتعرض لاي توتر او زعل لانه خطر عليها وانت فاهم كويس لاقدر الله لو ايمي اتعرضت لخطر هيحصل ايه جايز اوي تكون اخر فرصه ليها انها تبقي ام وايمي انا عرفاها كويس الزعل كفيل يموتها و ايمي زعلانه زعلانه اوي يا عشري..

كملت بنبره حزن فظيعه انا وايمي يا عشري من غير ما نتفق ديماً بنعمل حاجه كده ؟

عشري…..بتعملوا ايه؟

ليله…..بنقسم القوه والضعف علي بعض

عشري….بأبتسامه هاديه وحزينه يعني ايه؟

ليله….الوقت اللي المفروض تكون هي فيه ضعيفه انا ببقي قويه و الوقت اللي المفروض اكون فيه انا ضعيفه هي بتبقي قويه جايز عمرنا حتي ما اتكلمنا في النقطه دي مع بعض جايز هي مش واخده بالها ان انا واخده بالي بس ده اللي بيحصل اوقات لما هي بتضعف وتنهار حتي لو انا كمان محتاجه اعمل ده بكون قويه لان ضعفي انا وهي هيأثر علي كل اللي حوالينا و اوقات لما انا بضعف هي بتكون قويه..

مينفعش احنا الاتنين نضعف او ننهار
لازم واحده فينا تشيل التانيه و ايمي منهاره الوقت و نعيمه محتاجلنا والبنات كمان

ايه كانت تعبانه ولسه عروسه هي واختها ودي برضوا كفايه عليهم ملحقوش يفرحوا و الاسبوع اللي كان المفروض يفرحوا فيه كانوا كانوا بيستعدوا لفرحة نادين

و الاتنين انا عارفه حالتهم عامله ازاي الوقت و ايه بجد تعبانه و انا خايفه عليها اما نادين انت عارفها كويس حساسه واي زعل بيأثر عليها وده كله كوم و فرحتها اللي مكملتش كوم تاني امبارح كانوا ترند و الدنيا بتفرح معاهم بقالهم يومين متجوزين و فرحتهم اتسرقت في لحظه و الاتنين بالذات يا عشري كانوا بجد محتاجين يفرحوا و فرحتهم تكمل اذا كانت هي او ميدو