لقاء كارثي
لقاء كارثي
ايه… بدموع مش عايزه يا سلامه
ريهام….اقعدي يا شويه يا ايه الدكتور طالب انك ترتاحي
تامر….دكتور ايه ؟
احمد….فيكي ايه دكتور مين
بص سلامه لريهام و بعدين بصلهم متقلقوش هي كويسه والله دفيت بس شويه و كان عندها التهاب و جيبت الدكتور يطمني اكتر
احمد….ليه طيب مقولتوليش يا ابني
سلامه…محبيناش نقلقك يا حبيبي انا بس جيبته عشان اطمن عليها
ايه….انا كويسه متخافوش
احمد… طيب اقعدي اقعدي معاهم
ليله قامت وقفت وراحت تاني تبص علي المكان يمكن حد يخرج كانت واقفه و الاستراحه بعيده عن الباب حوالي اربعه متر مش بعيده كانت سامعه كلام الكل و عينها عالباب
اللي بيهدي نعيمه والي بيعيط معاها واللي بيدعي و اللي بيسأل عن اللي حصل و اللي بيواسي سليم و بيحاول يطمنه سامعه رشيد و هو بيقول لايمي مالك فيكي ايه كانت ماسكه بطنها و تعبانه
نعيمه…..يا ليله
فضل….واقفه يا قلبي واقفه
قربت تاني منها و خدت نفس عميق و قفت قدامها وضمت راسها وبصت لرشيد
ليله….جيبتها ليه؟
رشيد….مرضيتش انتي عرفاها يا ليله
بصتلها ايمي و غمضت عينها وهي دموعها نازله و رفعت وشها لفوق
سلمي…طيب لو تعبانه قولي
ايمي….انا كويسه مفيش حاجه
في الوقت ده وصل عشري و عمر و وليد بعد عناء مع الطريق ركن وليد الاول و عشري وراه و نزلوا جري
وليد…..برعب عربيه ليله سلامه كان بيكدب علينا ولا ايه
عشري قرب من العربيه وبعدين سند عليها و انحني بضهره مسك ركبه وحط كفه علي قلبه حاسس بتعب فظيع ونغزه وجعاه
مكانش قادر يمشي خصوصا لما شاف الخبطه الباب من وراه متطبق خالص
عمر….محمد محمد اجمد وانت يا وليد اهدا مفيش حاجه العربيه هنا يعني جات بنفسها هي كويسه يلا يلا افرد ضهرك يا محمد يلا
عشري….مش قادر
عمر…..عشان خاطري حاول
وليد….شده يلا يا عشري يلا
شده عمر من ايده و حط ايده علي ضهر وليد الاتنين حالتهم كانت صعبه عشري كان بيجري مع وليد وعمر و هو مش قادر خلاص
دخلوا عالريسيبشن قالولهم مكانهم و دخلوا جري علي جوه كانوا في الاستراحه
قرب وليد و اول ما شاف ليله جري عليها و هو بينادي اسمها
بصت ليله وراها كانت سامعه الصوت بس حاسه ان الاصوات كلها زي ما حد يركب طياره و يكون في ضغط قوي الصوت مكتوم او هي مكانتش سامعه كويس
وفجأه لقت وليد بيسحبها لحضنه و ايده الاتنين علي راسها و عمال يقول الحمد لله
