لقاء كارثي

رحاب… طيب وانتي يا ليله هتتعبي لازم حد يعرف

ليله…مش هتعب و بعدين ما انتي عارفه اهو لو حصلي حاجه قولي انك شوفتيني تعبت متعرفيش حد اصلا انك عارفه

رحاب….مش هقدر يا لاه انا لو عملت كده هاذيكي والله

ليله….ولو عملتي غير كده هتأذي الباقي و الله نعيمه شايله ذنب اللي حصل و شايفه ان هي السبب شايفه ان العمره دي لو مكانتش قالت عليها كان زمان اهلها بخير و لو عرفت اني اجهضت هتشيل الذنب اكتر بصي انتي خليكي متبعاني من بعيد ماشي

ارجوكي يا رحاب ده اول طلب اطلبه منك مفيش حد الوقت هيقدر يقف معايا في الظرف ده منهم كلهم عشري اصلا لو عرف و صمم ان دكتور يشوفني مش هعرف اكون مع نعيمه مش هيرضي يخليني اروح معاها وهي بتدفن اهلها ارجوكي مش هقدر اسيبها والله

رحاب….بدموع طيب اهدي اهدي خلاص انا معاكي

ليله…انا واثقه فيكي اوعي يا رحاب حد يعرف

رحاب…..بدموع خلاص خلاص مش هقول لاي حد انا هروح بسرعه اجيبلك الغيار و الحاجه اللي.طلبتيها وهرجعلك خليكي جوه بس متقفليش علي نفسك و يكون في علمك هتسمعي كلامي في اي حاجه اقولها هحاول اشوف ممرضه او اي حد اسألوا عشان لو في خطر عليكي هعرفهم

ليله….مش هيبقي فيه والله انتي بس لو عرفتي تشوفي ممرضه بلاش دكتور لان لو دكتور عرف مش هيسكت هتلاقي فلوس في شنطتي ادي لاي ممرضه مبلغ و فهميها بينك وبينها و اطلبي منها مسكن قوي او حاجه توقف الدم

رحاب….بدنوع لياه طيب فكري والنبي

ليله…مش هفكرررررر قولتلك ويلا اسمعي الكلام عشري راح مع رشيد عشان يطمنوا علي ايمي روحي قبل ما يرجع ويسأل عني و لو حد سال عني كأنك متعرفيش انا فين لحد ما اغير واخرج هقول ان وقع عليا نايه او اي حاجه و غيرت ماشي

رحاب…..طيب لو محدش سألني اكيد هيسألك عشري غيرتي ليه قولي برضوا نفس السبب وكانك طلبتي مني اجيبلك غيار

ليله….طيب يلا بسرعه وعشان خاطري متتأخريش

رحاب….حالا حالا بس متقفليش علي نفسك

ليله…ماشي انا زي الفل يلا بسرعه

جريت رحاب و قفلت ليله عليها تاني

كتمت بوئها ومسكت بطنها و هي بتتالم بتعب فظيع حاولت تخفيه حتي عن رحاب

ليله….امممممممممممممم

فضلت تتألم بصوت مكتوم وهي منهاره و بتعيط و بعدين خدت كذا نفس وراء بعض كانت حاسه ان حلمها ضاع وفرحتها راحت موجوعه علي نعيمه حزينه علي عادل ونجلاء اللي كانوا زي عيلتها بالظبط هتموت علي فرحه البنات اللي اتكسرت مرعوبه علي ايمي و علي كل اللي تعب مش قادره تتخيل منظر عشري لو عرف كان نفسها حبها هي وعشري يتلخص في روح جايه منهم هما الاتنين كانت بتحلم توصل نعيمه وترجع تجيب الاختبار و تفرح و تستني رجوع عشري و تفرحه و تفرح معاه كانت بتخطط ازاي تقول للبنات واخواتها و اهل عشري كانت بتحلم باللحظه اللي تعرف فيها الكل