لقاء كارثي

ليله….بحزن و هي عينها كلها دموع ايوه كده ادعيلهم و لو بتحبه بجد اجمد و خليك جنب نعيمه مشوارها لسه طويل مع اخواتها

احمد…يارب صبرها وقويها علي الابتلاء الصعب ده و يشفي اخواتها و ميوجعش قلبها عليهم يارب

ليله…يارب يا حبيبي

عشري…طيب ممكن تيجي انت وابويا ترتاحوا بقي شويه

احمد…هطمن بس علي البنات اديك شايف كلهم جوه

عشري….هما بخير والله الدكتور بس قال يرتاحوا شويه

احمد…..ايمي وامنيه كويسين يا ليله

ليله…..زي الفل يا حبيبي والله الوقت كمان يتحسنوا اكتر

احمد…..ربنا يقوي الكل يارب

عشري الكبير….يارب

عشري…طيب احنا هنشوف نعيمه و هرجعلكم تاني

عشري الكبير…..روح يا ولدي

راح عشري هو وليله علي المكان اللي هما فيه لمحتها رحاب و فضلت بصالها…

نعيمه كانت قاعده و سانده علي كتف نادين و فضل قاعد علي ركبه ماسك ايدها

قربت ليله منها وهي بصالها وهتموت عليها

فضل…..تعالي يا ليله

نعيمه….بصتلها بدموع امي وابوا راحوا يا ليله خلاص

قعدت ليله علي ركبها مكان فضل و مسكت كفوفها باست ايدها

ليله….ادعيلهم يا قلبي

نعيمه….بدموع ادعي بايه هموت يا ليله والله العظيم انا حاسه ان روحي بتتسحب مني محدش حاسس بيا

ليله….بوجع والله العظيم حاسه بيكي

نعيمه….حسوا بأيه يا ليله ؟ اتوجعوا و لا ماتوا علي طول طيب كانوا خايفين

نجود….بدموع يا نعيمه اهدي والنبي وكفايه الكلام ده

امينه…..ربك كريم يا بتي و حنين دول كانوا رايحين يزوره بيته وهو طلبهم يروحولوا بنفسهم في احلي من كده

نعيمه…بدموع يارتني ما خليتهم يروحوا و الله العظيم كنت عايزه افرحهم كان نفسي نسافر كلنا مع بعض نعمل عمره دي كانت هديه عيد الام لامي يارتني فكرت في حاجه تانيه انا السبب

امينه…لا اله الا الله متقوليش كده يا بتي بيكي من غيرك ده نصيبهم ده عمر يابتي لا ينفع نأجله ولا نستعجله

عشري…نعيمه نعيمه شيلي كل ده من دماغك انتي كنتي هتعملي حاجه حلوه بس دي ارداه ربنا

نعيمه…..انا جوايا نار والله محدش حاسس بيا خلوني اشوفهم والنبي لو بتحبوني بجد خليني ادخل اشوفهم

عشري…..هتشوفيهم الدكتور قال هيدخلك بس لسه مش الوقت و طول ما انتي بالحاله دي مش هندخلك

نعيمه….عايزني اكون عامله ازاي يا عشري انت مستوعب اللي انا فيه ده امي وابويا يا عشري